Mberaand 47:10 - NQAARIIT NE ROOG

¹⁰ Yakoob a barke’ahina a Firawon fee, soo a asoor fo ten.

Mberaand 47:10 Referans Kwoze

Mberaand 47:7

Yoseef a ɓisiida a Yakoob fee faap um ndax ta simnir fa Firawon fee. Yakoob a barke’a a Firawon fee.

Hebre 7:7

Oxe na barke’aa hupu oxe na barke’eel.

A kim a tedu ke 129:8

Dak-a-faaf we laykee a den ee: «Yaasam o Yaal oxe a barke a nuun!» In we mbarke’aa a nuun no gon no Yaal oxe.

2 Sami’el 19:39

O maad oxe a layaan ee: «Yaaga boog, fat Kimham a yoon fa mi. Xam fi no ten ke bugoona too kuu xeɗaxamoona, xam ci’ong o ten.»

2 Sami’el 8:10

A lula o ƥeem Yoraam maa no maad Dawid, ndax ta daawnin simin um soo a kañin, yaam ne ta songna a Hadadeseer, a xawin. Ke garitna keene koy refu yee To’u kaa fañroogu fa Hadadeseer. Yoraam a ɓislooxiida a Dawid kaa jalteena xaaliis fo kaa jalteena wurus fo kaa jalteena xanjar.

A cangatin ale 33:1

Keeke refu fa lay fee Moyiis fee o kiin Roog a barke’itna Ii-isra’el we, ye ta helkaa fo xon.

Mberaand 14:19

A barke’a a Abram ee: «Yaasam Roog fee Took-ee-took sakna asamaan fo lanq a barke a Abram!

A kim a tedu ke 119:46

Kaam layaa mbaambir maad we fa lay of too sedkiim.

Ruut 2:4

Maaga, Bowaas a inoortiida Betleheem, a gar a simin saasaxad we ten ee: «Yaasam o Yaal oxe a ref fa nuun!» A ndoonaan ee: «Yaasam o Yaal oxe a barke’ong!»

Mberaand 47:11

Yoseef a dalna a faap um fo fog faap we ten, a coox a den lanq kam saax le Misira no mbiñ onqe moƴ’ina o faax no saax le, no jegel olaa Ramses ne Firawon fee a heblit’uuna.

Yosuwe 14:13

Yosuwe a dalfooxa o barke a Kaleb fee o ƥiy Yefune soo a cooxin a Hebron.