Mberaand 47:1 - NQAARIIT NE ROOG

¹ Yoseef a reta a yegin a Firawon fee yee: «Fog faap we mi fa faap es a inoora no saax le Kanaan a ngar me mi, a ƥislooxiid a ked ake fo xa siir axe den fo fop ke da njegna. Owaay no jegel olaa Goseen.»

Mberaand 47:1 Referans Kwoze

Mberaand 46:31

Yoseef a laya fog faap we ten fo ƥasil ne faap um ee: «Mexe retaa lay a Firawon fee yee fog faap we mi fo ƥasil ne faap es ndeeƭna no saax le Kanaan a ngariida me mi.

Mberaand 45:10

Xan o genik no jegel olaa Goseen ndax o mataam, wo fo xa ƥeef fo xa taan of, a ked ake fo xa siir axe fo fop ke jegoona.

Mberaand 46:28

Yakoob a lula a Yudaa ta adookin maa Yoseef, ndax oxeene a xetik fo ten no jegel olaa Goseen.

Hebre 2:11

Yeesu fee na tedlandaa wiin we no pakaad den fo we tedlandeena fop, Faap fa leng a mbogu. Ten taxu sedee o xoy a den xa teɓ um,

A sutax ale 9:26

Kam saax laa Goseen soom, maa Ii-isra’el we a ngenoogna, a teƥ ale a fad’eeru.

A sutax ale 8:22

Moyiis a doona yee: «Keene faaxee fi’el, yaam xan i ƥoxot o Yaal oxe Roog in sadax kaa na ngaañaa Miimisira we. Ndax bo i ƥoxotna na kid no Miimisira we sadax kaa na ngaañaa a den, mbaritkee a in a kac?

Mberaand 46:34

fat nu ndoonin ee: ‹In we dag of, gaynaak waa na yaraa cegel i ndefu no kaa xotitna no ndeƥandoong in boo fa ndiik, ne daan in a ndefit’uuna.› Neene, xan nu mbaag o ngen no jegel ole Goseen, yaam Miimisira we kaa sib gaynaak cegel we.»

Mberaand 45:16

We no mbind no maad ne a yega yee fog faap we Yoseef a ngara Misira. Kaaga a fela a Firawon fee fo dag we ten.