Mberaand 46:2 - NQAARIIT NE ROOG

² No yeng olaaga, Roog a laya fa Yakoob no ƭaaɗ ee: «Yakoob! Yakoob!» A doonaan ee: «Oow! Mexey!»

Mberaand 46:2 Referans Kwoze

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

A pi ake 16:9

No yeng olaa, Pool a feeñooxe. A ga’a o kiin oxaa genna Makedoni a geenoox a xeɗooxan ee: «Koo gari Makedoni, ƴufgiid a in.»

A pi ake 10:3

Bes, farna fo waxtu kirandax, a ga’a a qool qac malaaka Roog faa garna me ten, a layin ee: «Korney!»

A pi ake 9:10

Kam Damaas koy a jeg’a o taalbe xaa ne’eena Anañaas. O Yaal oxe a layaan no ƭaaɗ ee: «Anañaas!» A doona yee: «Mexey, o Yaal oxe.»

A pi ake 9:4

A yena a lanq, too a nana o ñuxur olaa layooguuna yee: «Sool, Sool xar taxu o ñagadilaxam?»

Dañel 2:19

Maaga, kunpa fee a feeñle a Dañel kam o yeng ole, too a refa no simataa a Roog fee na asamaan

Ke bindeena no xe ne’eena YOB 4:13

Kaa gar na mi nen o ƭaaɗ o paaxeer kam o yeng ole, a soƥ fop a naang hanq a ƭaanaa.

2 Caloori ke 26:5

Ye Sakari a ñoowaa, a aqatinooga a Usiya ta saɗar a Roog. A waaƭooga o Yaal oxe Roog ci’ooguuna ne ta bugna ye ta gore’na no ten.

1 Sami’el 3:10

O Yaal oxe a gara, a geenoox maaga, a xoyahinin nen eetaand ke yee: «Sami’el, Sami’el oow!» O goor ole a doonaan ee: «Layi, mexey nan-gilooxang, mi fee o paɗ of.»

1 Sami’el 3:4

Maaga, o Yaal oxe a xoya a Sami’el. Sami’el a jaaɓa yee: «Oow, mexey!»

A lim ale 24:4

Keeke refu ke um layaa, mi fee na nanaa fa lay fee Roog, daawaa peeñax ke no Cegu katil oxe, yenaa leer, soo a kid es a mbetoox.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

Mberaand 31:11

Malaaka fee Roog a layaxam no ƭaaɗ ee: ‹Yakoob!› Um jaaɓin ee: ‹Oow!›

Mberaand 22:11

Maaga, malaaka no Yaal oxe a foda na asamaan, a xoy a Abraham, a layin ee: «Abraham! Abraham oow!» Abraham ee: «Oow!»

Mberaand 22:1

Cinj kaaga, Roog a ɗeetlooxa a Abraham, a layin ee: «Abraham!» Abraham a doonin ee: «Oow!»

Mberaand 15:13

O Yaal oxe a laya a Abram ee: «Yegi fo and ee xa taan of xan a ndef xa kataakoon no saax laa refeerna le den, xan a ndef maaga faɗ, too xan a ñagadileel boo xa kiid teemeed nahik.

A pi ake 10:13

Maaga, o ñuxur a layaan ee: «Piyeer, inooxi, war too ñaam!»

Mberaand 20:3

Took kaaga, Roog a feeñooxa a Abimelek o yeng no ƭaaɗ, a layin ee: «Xan o xon, yaam o tew oxe gifoona o tew no kiin oo.»

Haahate we 7:2

O Yaal oxe a laya a Gedeyon ee: «Xiixire we wo kaa mayood lool ndax um ɓoxot Maamajan we na xa ƥay den, ndik Ii-isra’el we a njang o ndam onqe helaxama, a mbakooxaa, a ndamtin ee: ‹Doole in watu a in.›

Haahate we 7:9

Kam o yeng olaaga, o Yaal oxe a laya a Gedeyon ee: «Inooxi, fudooxan saŋe ne no Maamajan we, yaam ɓoxotaam a den na xa ƥay of.

Sakari 1:8

Kam o yeng ole, daawaam mbeeñil nene: Ga’aam o koor oxaa ŋaayna pis jakeer soo a geenoox a ndeer pafid mirti kam a yulanq, too a jeg’a a cinj um pis jakeer fo oldu fo bari.