Mberaand 46:12 - NQAARIIT NE ROOG

¹² Xa ƥiy axe Yudaa ndefu: Eer, Onan, Seelax, Peres fa Serax. Eer fa Onan koy ñakit’u no saax laa Kanaan. Xa ƥiy axe Peres ndefu: Hesron fa Xamul.

Mberaand 46:12 Referans Kwoze

1 Caloori ke 4:21

Xa taan axe Seelax fee o ƥiy Yudaa ndefu: Eer fee sinjna a Leka, fa Lada fee sinjna a Maresa, fo itam a qaw ake no we na ndiwaa coor ke kam Bet-Asbeya.

Mberaand 38:10

Ke ta fi’oogna a feƭar’a o Yaal oxe, soo ta warin, ten itam.

Mberaand 38:7

Eer fee refna taaw Yudaa koy kaa soxod’u lool na kid no Yaal oxe. Ten taxu, o Yaal oxe a waraan.

Mberaand 29:35

A rokahina o fud, a ñoot o ƥiy o ngoor, a lay ee: «No jaf leeke, xam simat o Yaal oxe.» Ten taxu ta ne oxaaga Yudaa. Maaga, a xaƴa fa ndim.

Mbeeñil 5:5

Maaga, o leng no maak we a layaxam ee: «Ba o loolat! Ga’iro xeƈa! Njogoy ne na carind ale Yudaa, refna o Ndaan onqe Dawid a maafa, ndax ta ñaƥit xa ñaas ɓetaa ƭaq axe na kayit ale, soo a dortin.»

Hebre 7:14

Ke woorna refu yee o Yaal in no kurcala le Yudaa a rimte, too Moyiis ne’ee o kurcala leene ye ta layaa kaa farna no saasadax we.

A kim a tedu ke 78:68

ndaa a carind ale Yudaa a jilu, o joong ole Siyoŋ ta fexna.

1 Caloori ke 5:2

A carind ale Yudaa moƴ’atu o jeg doole a ndeer a carind ake no fog faap we ten, too no ten oxe na refkaa o maad Isra’el a inooru, ndaa a las taaw ale o mat Yoseef jeg’un.

1 Caloori ke 3:1

Weeke ndefu xa ƥiy axe Dawid ndimteena Hebron. Taaw fee ten refu Amnon fee ta jeg’ina fa Ahinowam fee gen’ina Yisre’el, o ƭikandeer oxe a ref Dañel fee ta jeg’ina fa Abigayil fee gen’ina Karmel,

1 Caloori ke 2:1

Weeke ndefu xa ƥiy axe Yakoob fee na xoyahineel Isra’el: Ruben, Simewon, Lewi, Yudaa, Isakaar, Sabulon,

Haahate we 1:2

O Yaal oxe a doona yee: «Goor we na carind ale Yudaa na eetkaa o songik, ɓoxotaam saax le na xa ƥay den.»

A cangatin ale 33:7

Keeke a layu na carind ale Yudaa: «O Yaal oxe, nan-gilooxi o ñuxur ole Yudaa soo nomtiid a den farna fa xeet den. A ñoxorana a carind a lakas ake. Dimle’i a den took no fañ we den.»

A lim ale 1:7

na carind ale Yudaa: Naason fee o ƥiy Aminadab,

Mberaand 38:4

O tew oxe a rokahina o fud, a ñoot o ƥiy o ngoor, soo a ne’in Onan.

Mberaand 46:11

Xa ƥiy axe Lewi ndefu: Geerson, Kehat fa Merari.

Mberaand 46:13

Xa ƥiy axe Isakaar ndefu: Toola, Puuwa, Yob fa Simron.

Ruut 4:12

xa taan axe o Yaal oxe a ci’kang fo o tew oxeene, a mbi boo mbind of a nand fo mbind Peres fee Tamaar a riman’ina a Yudaa.»

1 Caloori ke 9:4

Ndeer Yuuyuda we a jeg’a a Utay fee o ƥiy Amihud, Amihud a ref o ƥiy Omri, Omri a ref o ƥiy Imri, Imri a ref o ƥiy Bani fee o ndaan Peres.

Mberaand 38:5

A jeg’ahina o ƥiy o ngoor, a ne’in Seelax. Yudaa oxe gen’a Kesib ye oxeene a rimeena.

1 Caloori ke 4:1

Weeke na xa taan axe Yudaa a mbogu: Peres, Hesron, Karmi, Xuur fa Sobal.

1 Caloori ke 9:6

Na qaw ale Serax a jeg’a a Ye’uwel. Yuuyudaa we ndal’ina Yeerusaleem a ndeeƭa teemeed ɓetuu fa leng fo qarɓeen ɓetuu nahik.

Nehemi 11:24

Petahiya fee o ƥiy Mesesabel, na xa taan axe Serax fee o ƥiy Yudaa, geenooxanoogu o maad oxe Persi no fop ke jofna na xeet fee.