Mberaand 46:1 - NQAARIIT NE ROOG

¹ Isra’el a xota a ƭat, ten fo ke ta jegna fop. A fadiida Beer-Seeba, soo a ɓoxot a Roog fee na faap um Isaak sadax.

Mberaand 46:1 Referans Kwoze

Mberaand 31:42

Boo Roog fee no taan es, Roog fee Abraham refna ref fee Isaak a faɗooxaa, a farit’eeraxama, raxkoogaxamo xa ƥay xa ƥor. Roog kaa ga coono es fo jale es, ten taxu ta maƭooxong no yeng ole faafna.»

Mberaand 28:13

O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

Mberaand 28:10

Yakoob a inoora Beer-Seeba, a waasooxan a Xaraan.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

Mberaand 21:31

Ten taxu o mbiñ onqaaga a ne’el Beer-Seeba, yaam maaga a ndaaɓoorit’u den ɗik fop.

Mberaand 21:14

Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.

Ke bindeena no xe ne’eena YOB 42:8

Ndiiki koy, mbaaƭyo qoox ɓetuu ƭik fo a suk paal ɓetuu ƭik, nu ndet maa Yob fee o tag es, ƥoxotan a qoox nuun sadax toxel. Xan o tag es Yob a xeɗan a nuun too xam jaɓ a qeƭ um boo xawkiim a nuun a qaw gaci, ke nu layaneeraxama cagu fop oo, ta guutatir fo ke o tag es Yob a fi’na.»

Ke bindeena no xe ne’eena YOB 1:5

Ñaal ke no mbumbaay ne a mbaaf’angaa, Yob a lultooga xa ƥeem da ngar soo ta ɓogid a den. No feet olaa, a inooxooga ƥiiɓ teel, a ɓoxotan oxuu refna na den sadax fa ndoxel, yaam kaa xalaatoogu yee: «Xeƈa xa ƥees axe ñakee o mbakaad, a saloox a Roog na qeeñ den.» Neene deŋ Yob a fi’toogun kili.

1 Sami’el 3:20

Xeet fee Isra’el fop, ke xottoonga Dan boo a damik Beer-Seeba, fop a and’a yee o Yaal oxe jil’u a Sami’el, ndax ta ref o tuleer um.

Mberaand 35:7

A maxa o sadaxand, soo a ne o mbiñ onqaaga El-Betel, yaam maaga Roog a feeñoor’un ye ta ƴufaa o maag um.

Mberaand 35:3

Xan i inoox, ndet Betel. Xam maxan maaga o sadaxand a Roog fee ƴufig’axama a koom alaa fa naqad es too a reeƭu fa mi na ñaaƈ ale mi.»

Mberaand 33:20

A maxa taaga o sadaxand, soo a ne’in El-Elohe-Isra’el.

Mberaand 31:53

Yaasam Roog fee Abraham fa Nakoor a ref o seede a ndeer in.» Maaga, Yakoob a daaɓooxa na Roog fee sendnoor’ina a Isaak fee faap um.

Mberaand 22:13

Abraham a wiƈaqilooxa, soo a ga a cinj um suk mbaal laa xa can axe a njomna kam ngol. Abraham a reta, a xot suk mbaal le, a ɓoxotin nen sadax fa ndoxel na seek no ƥeem.

Mberaand 12:8

Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe.

Mberaand 8:20

Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

Mberaand 4:4

Abel itam a faɗoortiida o Yaal oxe taaw ke moƴna o neer na ked ake ten. O Yaal oxe a jaɓa a Abel fo sadax um.

A pi ake 7:15

Yakoob a reta Misira, too maaga a xonit’u, ten fo daan waa in itam.

Mberaand 45:28

Yakoob a laya yee: «A faaxa! Yoseef fee o ƥees a maada o ñoowaa! Xam ret boo ga’ood kañ boo heluuma o xonaa!»

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

Yosuwe 24:4

soo ci a Isaak a Yakoob fa Esawu. Cooxaam a Esawu o jegel olaa na xa coong axaa Seyiir, ndax ta gen maaga, Yakoob fo xa ƥeem o mat a ndet Misira.

1 Sami’el 8:2

Taaw um Yowel a ne’’e, oxe reefna took um a ne’el Abiya. Beer-Seeba a ngate’toogu.