Mberaand 45:7 - NQAARIIT NE ROOG

⁷ Roog kaa ɓisiidaam mene ndax um maadnoor a nuun kam saax le, mucil a nuun na pexey a bat a maak.

Mberaand 45:7 Referans Kwoze

A pi ake 7:35

Moyiis feene o mat Ii-isra’el we a nqañ’u, a laamtin ee: ‹An dodong kelfa fo o kaahate? Oxeene kiin koy Roog a luliidu nen a kelfa fo o baawat, a reefandin na malaaka fee feeñooxuuna kam ngol naa.

A kim a tedu ke 44:4

Yaam refee yee fo laƥ den a njaɓtu saax le, xa ƥay den muclee a den, ndaa a ñamaak of, a naax of, a qoolaand ale na mukit of o mat oo, yaam ne fex’oona a den.

A kim a tedu ke 18:50

Ten taxu kaam simatang ndeer qeet ke, xaanaa gon of, wo o Yaal oxe.

Haahate we 15:18

Ne ta hoɗomeena boo a bug o xon, a ƴufginooxa o Yaal oxe, a lay ee: «Wo ci’u o tag of o ndam o maak onqene. Ndiiki koy, ndax kaa um xonkaa fo a koɗom soo yen na xa ƥay axe na qucooxar ake?»

1 Caloori ke 11:14

Eleyasaar fo goor we ten a naanga jiŋ ndeer o qol olaa, a nqoxtin soo a nqaw Fiifilista we. Neene, o Yaal oxe a muclita a Isra’el o ndam o maak.

Mberaand 45:5

Ndiiki koy, ba nu njaq too ba nu njeg naa ɗomna a nuun yaam ne nu njikooxaxama boo um ɓisiidel mene. Roog kaa ɓisiidaam mene ndax um mucil a nuun.

Mberaand 50:20

Kaa nu yuuɓan’aam paaxeer, Roog a suptin paax, a fadin ke na xewaa ndiiki, soo a mucil o ñis no xeet fa maak.

Mberaand 47:12

Yoseef a cooxa a faap um fo fog faap we ten fo ƥasil den fop ñoowir, a reefandin no ne a qoox ake den a mbodna.