Mberaand 45:5 - NQAARIIT NE ROOG

⁵ Ndiiki koy, ba nu njaq too ba nu njeg naa ɗomna a nuun yaam ne nu njikooxaxama boo um ɓisiidel mene. Roog kaa ɓisiidaam mene ndax um mucil a nuun.

Mberaand 45:5 Referans Kwoze

Mberaand 50:20

Kaa nu yuuɓan’aam paaxeer, Roog a suptin paax, a fadin ke na xewaa ndiiki, soo a mucil o ñis no xeet fa maak.

Ke bindeena no xe ne’eena YOB 1:21

soo a lay ee: «Ɓisiidiim dara ye um garaa na adna, too ɓislooxkiim dara yaa um retaa. O Yaal oxe ci’tu, ten jangu. Yaasam gon le no Yaal oxe a simatel!»

YEGIL MBAAX NE YEESU ne Lik a bindtuuna 23:34

Yeesu a laya yee: «Faap, waasani a den, yaam andee ke da mbi’aa.» A mbanjanga tikoorik kaa ten, soo a nqaajir a den.

Mberaand 47:25

A ndoonaan ee: «Muclaa a in feek i ndaawa yirmande of, wo fee o yaal in, too i njaɓa o ndefik faɗ Firawon fee.»

2 Korint 2:11

ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

2 Korint 2:7

A moƴa faax ndiiki koy, nu mbaasanin, yaalin, ndax moƴkee o mudnoox no njakad.

2 Sami’el 17:14

Absalom fo goor we Isra’el fop a laya yee: «O as ole Husay, o Aa-arki xe moƴu ole Ahitofel.» O ga’angaa keene koy, o Yaal oxe kaa heboox’u o kasaara’in o as o faax ole Ahitofel, ndax ta doon a Absalom naqad.

2 Sami’el 12:12

Kaa o fi na pet, ndaa mi o mat xam fi’noor keene njoloor na kid Isra’el fop.› »

1 Sami’el 1:19

No feet olaa ƥiiɓ cuc, Elkana fo ƥasil um fop a ndeta, a ngung mbaambir no Yaal oxe, a mbaɗooxin, cinj kaaga da nomtoox, a nqaad Rama. Elkana a yoona fa Xaan fee o teem, too o Yaal oxe a jaɓa a qeƭ ake Xaan.

Filemon 1:15

Xeƈa koy, Onesiim a xaajoox’a fa wo o ngap, ndax a nomtooxiidangaa, a refat fa wo boo faw.

Mberaand 37:28

Yaa jula Maamajan we a njooniidaa, fog faap we Yoseef a sutta a Yoseef no gamb laa, a njikoortin Ii-isma’el we xa monjong qarɓeen ƭik xaaliis, soo weene a ƥisin Misira.

Mberaand 50:19

Yoseef a laya a den ee: «Ba nu saɗar dara! Kaam ref Roog?

Mberaand 50:21

Yaaga koy, ba nu saɗar dara. Xam jofnoox no fop ke nu soxla’na, nuun fo xa ƥiy nuun.» A yaalta a den fa lay feene boo xa laaw den a ndalat.

Esteer 4:14

O naagangaa o tiimaa, fañ o lay na waxtu feeke, xan o ndimle no Yaawuur we a hat o mbiñ o lakas, da muclel, soo wo fo o kurcala of, nu saŋkoox. A waaga ref sax ee tig nandu neeke taxu o refat lingeer fee!»