Mberaand 45:21 - NQAARIIT NE ROOG

²¹ Xa ƥiy axe Isra’el a mbi’a naaga. Yoseef a cooxa a den a sareet ne Firawon fee a heblit’uuna. A cooxa a den itam kaa da yaxandooxanna a ƭat ale.

Mberaand 45:21 Referans Kwoze

Mberaand 45:19

Fat o hebil a den keeke: Nqotityo Misira a sareet akaa nu ƥistiidna xa ƥiy axe nuun fo rew we nuun. Fat faap nuun a ŋaaynel teen, a gar.

Heseki’el 23:24

owe ngarantang no ɓemb-roog o janoon, a saq ƥonax, a sareet-xire fo a saang a sareet fo mbokatoor no qeet. A mbidaang o kurul-keƥ, a ƥonoox pegoor maak fo teɓ fo o maxande. Ɓoxotaam a den hate fee, too xan a ngate’tong kebil den.

A ƭomatax ake 1:18

«O Yaal oxe ɓuru a xawaam, yaam kaam nanaƭaran’u kebil um. Nuun qeet ke fop, nan-gilooxyo too nga ɗom es. Mboƥ ndoog ne mi fo mbes ke mi a ƥise no mbaƭ.

O baawaare xe 8:2

Nanani kebil no maad oxe yaam ke daaɓooxoona mbaambir Roog.

2 Caloori ke 35:16

Neene calel ke no Yaal oxe a njagandit’e no ñaal naaga, ndax da ndoofand a Colandax ale soo a ƥoxot sadax toxel took o sadaxand ole no Yaal oxe ne o maad Yosiya a heblit’uuna.

2 Caloori ke 8:13

Kaa ɓoxotoogu a den a reefandin no ne Moyiis a heblit’uuna na bes fuu refna, no pes a ñootnax ke, no nqool o ndeɓ onquu refna, fo na xa qet xa tedu xe a caf a tadak no hiid ole, ta ref na Xew fee no puuru canja’e ke, na Xew fee na bes fa ndakooxiidu fee fo na Xew fee no ƭiif ke.

A lim ale 3:16

Moyiis a lima a den, ne o Yaal oxe a heblit’uuna o ten.

A sutax ale 17:1

O Yaal oxe a hebla Ii-isra’el we fop da inoox na koƥ-a-ƥor alaa Siin. A ndeta too a ngeenooxooga na ñaaƈ ale boo neene a mbadiidu no mbiñ onqaa ne’eena Refidiim soo a ndal maaga, ndaa nga’’ee o mboofi nqaa da yerna.

Mberaand 46:5

Yakoob a inoora Beer-Seeba, xa ƥeem a ƥisin, ten fo xa ƥiy axe den fo rew we den, na sareet ake Firawon fee a lulit’uuna, ndax ta jiriiñoor a den na ñaaƈ ale ten.

Mberaand 45:27

A njangtooxaan fop ke Yoseef a lay’ina a den. Yakoob a ga’a a sareet ake Yoseef a hebliid’ina yaam a ñaaƈ ale. Maaga, yiif um a soga o nomtooxiid no ten, ndigil ne a feednooxin.

Mberaand 45:20

Kuu nu nqaƴna maaga, ba nu ndicooxin, yaam ke moƴna o faax no saax le Misira, nuun na njegkan.»