Mberaand 45:19 - NQAARIIT NE ROOG

¹⁹ Fat o hebil a den keeke: Nqotityo Misira a sareet akaa nu ƥistiidna xa ƥiy axe nuun fo rew we nuun. Fat faap nuun a ŋaaynel teen, a gar.

Mberaand 45:19 Referans Kwoze

Mberaand 46:5

Yakoob a inoora Beer-Seeba, xa ƥeem a ƥisin, ten fo xa ƥiy axe den fo rew we den, na sareet ake Firawon fee a lulit’uuna, ndax ta jiriiñoor a den na ñaaƈ ale ten.

Mberaand 45:27

A njangtooxaan fop ke Yoseef a lay’ina a den. Yakoob a ga’a a sareet ake Yoseef a hebliid’ina yaam a ñaaƈ ale. Maaga, yiif um a soga o nomtooxiid no ten, ndigil ne a feednooxin.

Esayi 49:23

Xan o jeg lingeer kaa na numnanang xa teɓandoong of fo maad waa na saqkaa a den. Xan a ngung mbaambir of, a metaa fo ut ole na caf of. Maaga, xan o and ee mi refu o Yaal oxe, too we yaakaaraxama sedkee muk.»

Esayi 49:1

Nuun we ngenna na pimb ake, nan-gilooxaamoo, nuun qeet ke ngoƭna, ndungyo nof nuun! O Yaal oxe kaa xoyaam yaaga rimaandeem, a ne’aam gon no fud ya es.

Mberaand 45:20

Kuu nu nqaƴna maaga, ba nu ndicooxin, yaam ke moƴna o faax no saax le Misira, nuun na njegkan.»

Mberaand 45:21

Xa ƥiy axe Isra’el a mbi’a naaga. Yoseef a cooxa a den a sareet ne Firawon fee a heblit’uuna. A cooxa a den itam kaa da yaxandooxanna a ƭat ale.

A lim ale 7:3

A ƥisiida ci’it den mbaambir no Yaal oxe: A sareet ɓetuu fa leng akaa ƭiifeena fo qoox xarɓaxay fo qoox ƭik, kelfa ƭik kuu ndefna a sareet a leng soo kelfa fuu refna nqoox. A ƥoxota a den mbaambir Ngenand ne.