Mberaand 45:18 - NQAARIIT NE ROOG

¹⁸ Nqotyo a faap nuun fo ƥasil nuun, soo nu ngar, mataam. Xam ci a nuun ke moƴna o faax no saax le Misira, too xan nu ñaam ke moƴna o faax no saax le.

Mberaand 45:18 Referans Kwoze

Mberaand 47:6

saax le Misira yoo xeene, dalni a faap of fo fog faap we wo no mbiñ onqe moƴna o faax no saax le. Fat a ngen boog no jegel olaa Goseen, too a soƥangaa yee a jega na den waa mbaagna o saq xa siir axe mi, dalni a den da saqin.»

Mberaand 27:28

Yaasam Roog a ci’ong liim laa na hataa na asamaan fa barke fee na sutooraa no lanq ke, a ci’ong bele fa biiñ fa mbagkatar.

A kim a tedu ke 147:14

Kaa saxnaa jam no fiisel of, a giñnoortang bele fee moƴna o faax.

A lim ale 18:29

Fat nu mbatnanaam a las ale moƴna o faax no ci’it ke nu ndaawaa fop, kesanaam o ten.

A lim ale 18:12

Ci’aam a nuun itam ke Ii-isra’el we a ƥoxotaxam no ke eetna o foor: Ke moƴna o faax na diwliin fee fo na biiñ fee fo na bele fee.

Esayi 28:4

soo mbiɗ leeƥu ne o mosel um a fodna took a yulanq a caɓu taxar ale a ref nen o jala laa foorateelna. No ɓay no xuu ta eetna, xan a ɗuudin ndak fo ndak.

Esayi 28:1

Sabab took teeru fee refna o ndip o nga’atinoor onqe no yeeyer say we Efrayim, a ref mbiɗ leeƥu ne o mosel um a jegeerna sen, a fod took a yulanq a caɓu taxar ale no we a yer biiñ a adinna.

A kim a tedu ke 81:16

We sibaxama, mi o Yaal oxe, a ƥoodooxkoogaan soo a ngen no diid boo kili,

A cangatin ale 32:14

A ci’a a den fo neew ole no naak ke fo fo sis ole no paal ke fo le no pambe ke fa neebam fee no fo mbaal ne fa fee na suk paal ake fo xa siir axe Basan fo a suk pambe ke fo ke moƴna o faax na bele fee, soo da yeraa foofi le na xa biiñ axe, biiñ fee ñolna.

Mberaand 45:17

Firawon fee a laya a Yoseef ee: «Layi fog faap we wo da suf cegel ke den soo a nomtooxkaa no saax laa Kanaan.

Mberaand 46:34

fat nu ndoonin ee: ‹In we dag of, gaynaak waa na yaraa cegel i ndefu no kaa xotitna no ndeƥandoong in boo fa ndiik, ne daan in a ndefit’uuna.› Neene, xan nu mbaag o ngen no jegel ole Goseen, yaam Miimisira we kaa sib gaynaak cegel we.»