Mberaand 45:16 - NQAARIIT NE ROOG

¹⁶ We no mbind no maad ne a yega yee fog faap we Yoseef a ngara Misira. Kaaga a fela a Firawon fee fo dag we ten.

Mberaand 45:16 Referans Kwoze

A pi ake 7:13

No jaf o ɗikandeer ole da ndetitna koy, Yoseef a feeñooxa fog faap um, too neene itam Firawon fee a and’ata yee ƥasil ne Yoseef oo.

A pi ake 6:5

Kaa lay’eena a fel’a mbokatax naa fop, too a njila a Eceen, o koor o mayu o ngim fo Yiif Tedu le, fa Filip fa Porokoor fa Nikanoor fa Timon fa Parmenaas fa Nikolaa fee rimeena na teeru faa Ancook, too a tuub’u na ƭat ale no Yaawuur we.

Esteer 5:14

O teem Serek fo qaariit ke fop a layaan ee: «Fat reex jiig laa o cigdel ole a fi’kaa xa noonoong qarɓeen ƥetik a sipel, soo o feet nqes o xeɗ o maad oxe, ndax Mordokay a rokel o ƥaak no cok soo a lokel teen. Neene, xan o waag o yoon o maad oxe fo o ɗaay no mbumbaay naa.» Pexey naaga a fel’a a Haamaan, soo ta sipin reex le.

Esteer 2:4

O njaaƈ o ndew onqe na moƴkang o fel na rondandkaa a Wasti.» Fa lay faaga a fel’a o maad oxe lool, soo ta fi’tel naaga.

Esteer 1:21

Fa lay faaga a fel’a o maad oxe fo kelfa ke, soo o maad oxe a fi’tin ne Memukaan a layit’uuna.

2 Caloori ke 30:4

Kaaga a jofooxa o maad oxe fo mbokatax naa fop.

2 Sami’el 3:36

Xeet faa fop a yega kaaga, too a fel’a a den, nen fop ke o maad oxe a fi’oogna.

A cangatin ale 1:33

fee ñaaƴoogna mbaambir nuun na ƭat ale, ndax ta waaƭan a nuun maa nu ndalna. No yeng ole aal fiɗel a fi’oogu, soo no ñaal ne ta fi eel, ndax ta lal a nuun a ƭat ale nu mbarna o ndeef.

Mberaand 41:33

Ndiiki boog, fat Firawon fee a waaƭ o kiin o ƈiƴu xaa jegna yiif, a dalnin kam saax le Misira.

Mberaand 34:18

Hamoor fa Sikeem fee o ƥeem a njaɓa fa lay faaga da layeena.

Mberaand 20:15

Cinj kaaga, Abimelek a layaan ee: «Ga’i saax le fop oxey, muu feloonga dali teen.»

Mberaand 16:6

Abram a doona a Saarayi yee: «Mee ndax o ceefeer of na xa ƥay of a refu. Fi’een boog naa jofooxoonga!» Maaga, Saarayi a dalfooxa o ref no ñagadilan soo Agaar a ƴuf ndax ta goƭin.

Mberaand 45:15

A foona fog faap we ten fop fo xa lool. Cinj kaaga, fog faap we ten a njega fo ten nga’ir.

Mberaand 45:17

Firawon fee a laya a Yoseef ee: «Layi fog faap we wo da suf cegel ke den soo a nomtooxkaa no saax laa Kanaan.

Mberaand 41:37

Fa lay faaga a fela a Firawon fee fo dag we ten fop.