Mberaand 45:15 - NQAARIIT NE ROOG

¹⁵ A foona fog faap we ten fop fo xa lool. Cinj kaaga, fog faap we ten a njega fo ten nga’ir.

Mberaand 45:15 Referans Kwoze

YEGIL MBAAX NE YEESU ne Lik a bindtuuna 15:20

Cinj kaaga, a refa na ƭat, a nomtooxaa maa faap um. Ke ta maad’ina o goƭaa fop oo, faap um a ƴookaan, ta yuɗin lool. A ƴufa a xetookin, a farakooxin, soo a foonin.

A pi ake 20:37

Fop a ndefa na xa lool, a mbarakoox a Pool soo a mboonan, a asooraa fo ten.

A kim a tedu ke 77:4

Yiif es oxaa gomaa a Roog, um ref na xa iin. Kaam misiir a misiir boo yiif es a nootoox. A maaf

2 Sami’el 14:33

Yowab a reta, a jangtoox o maad oxe xa ƭelem axaaga, soo ta xoyin a Absalom. Oxeene a gariida me ten, a gooknoox, a gung mbaambir um. Maaga, o maad oxe a farakooxaan.

1 Sami’el 20:41

A cinj ye o goor ole a retna, Dawid a sutoora me ta ɗas’ina laqa juum le na ƥil ake, a dalfoox o gooknoox, a gung boo a caf a tadak mbaambir Yoonatan. Den ɗik fop a ndalfooxa o mbarakoor, a ndef na xa lool xa ƭomu, moƴtaa sax Dawid.

1 Sami’el 10:1

Maaga, Sami’el a janga o moon diwliin, a juurin took xoox le Sawul. A farakooxaan, a layin ee: «O Yaal oxe fa xoox um ɗuumong, ndax o kelfa xeet fee ta jegoodna.

Ruut 1:14

A ndakooxa o mbaɗoox. Cinj kaaga, Orpa a farakooxa o seemir um soo a asoor fo ten, ndaa Ruut o mat a saaƭooxaan.

Ruut 1:9

Yaasam o Yaal oxe a ci oxuu refna na nuun o kor oxaa na ñootinkan!» A dalfooxa o farakoox a den, soo weene a ndef no mbaɗooxaa.

A sutax ale 4:27

O Yaal oxe a laya a Aaroon ee: «Reti xetik fa Moyiis na koƥ-a-ƥor alaa.» Aaroon a daba a Moyiis no joong olaa Roog soo a foonin.

Mberaand 45:2

A dalfooxa o faɗoox boo Miimisira we a nanan, mbind no maad ne Firawon fee a yegin itam.

Mberaand 33:4

Esawu a ƴufa, a xetiid fo ten, a farakooxin no cok, a foonin, soo den ɗik fop da ndef na xa lool.

Mberaand 29:13

Ndak fo ndak, ye a padiid ale Yakoob a naagna xot no yul nof Laban, a dalfooxa o ƴuf maa ten, a farakooxin. A ɓisiidaan no mbind naa, soo Yakoob a jangtooxin fop.

Mberaand 29:11

Cinj kaaga, Yakoob a farakooxa a Rakel, soo a lool,

Mberaand 42:24

Yoseef a riƈatooxa a den ndax ta lool. Cinj kaaga, Yoseef a nomtooxiida, a lay fa den. A dama a Simewon, a jengtin na kid den.

Mberaand 45:14

A farakooxa a Bensame, soo a lool. Bensame itam a farakooxaan, a lool.

Mberaand 45:16

We no mbind no maad ne a yega yee fog faap we Yoseef a ngara Misira. Kaaga a fela a Firawon fee fo dag we ten.

Mberaand 46:29

Yoseef a humna a sareet ale ten, a waaƭooxanik a Goseen, a xetik fa Isra’el fee faap um. Yaa ta ga’uuna rek, a farakooxaan no cok, a lool miñu no cok ole faap um.