Mberaand 44:31 - NQAARIIT NE ROOG

³¹ xan a xon yaa ta ga’na yee o goor ole gatee. Yaaga, in we dag of xan i tax faap in fee o tag of a ɓis naqad tigi jaaniif.

Mberaand 44:31 Referans Kwoze

Mberaand 44:29

Nu njangahinangaa oxene, taamaala a dalin, a woora yee naqad um ɓiskaa jaaniif.›

Mberaand 37:35

Xa ƥiy xa koor axe fo xa tew axe ten fop a ngara ndax da yaalin, ndaa a faña o yaalel. Kaa layoogu yee: «Kaam bugko ñaawooxaa o ƥees boo yaa um xonkaa, soƥkin jaaniif.» A refa no loolaa o ƥeem rek.

1 Tesalonik 4:13

Fog we, i mbuga o andnoor a nuun kaa farna no we nqonna, yaam ndik nu naqadilooxaa nen lakas we njegeerna yaakaar.

2 Korint 7:10

Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

1 Sami’el 22:22

Dawid a layaan ee: «A kom ale, ga’aam ee Doweg, o Ee-edoom oxe, a reeƭa Noob itam. And’aam ee ñakkee o ɓay a Sawul fop. Yaaga koy, mi gartu fa nqon fee no wiin of weene fop.

Mberaand 42:38

Yakoob a doonaan ee: «O ƥees yoonkee fa nuun, yaam o maag um a xona, ta yoqat koƭong. Tig a damangaan na ñaaƈ ale, a woora yee naqad tigi um ɓiskaa jaaniif.»