Mberaand 44:30 - NQAARIIT NE ROOG

³⁰ Ndiiki koy, um nomtooxangaa maa faap es fee o tag of too o goor ole yoonee fa in fo ne faap in a fextuuna,

Mberaand 44:30 Referans Kwoze

1 Sami’el 18:1

Ndak fo ndak, ye Dawid a layna fa Sawul boo a ƴut, Yoonatan fee o ƥiy Sawul a damooxa na Dawid, a fextin nen a xoox um.

1 Sami’el 25:29

Boo o kiin a inooxanoonga, a raxang, ndax ta warong, a woora yee xan o Yaal oxe Roog of a saytoox o ñoow of nen xaaliis kam nafa soo a suusaand ole no fañ of.

Mberaand 44:34

Andiim nam um nomtooritkaa maa faap es o goor ole a yoonangee fa mi? Ey! Yaasam ba um ga o njakad onqe na dalkaa a faap es yaaga!»

Mberaand 44:31

xan a xon yaa ta ga’na yee o goor ole gatee. Yaaga, in we dag of xan i tax faap in fee o tag of a ɓis naqad tigi jaaniif.

Mberaand 44:17

Maaga, Yoseef a laya yee: «Fesoorkiim neene! O koor oxe a tokol ale a ga’teena na refkaa o paɗ es. Nuun o mat, nqaadyo na jam maa faap nuun.»

Mberaand 44:20

I ndoonaang, wo fee o yaal in ee: ‹I njega a faap fa nogoyu fo o ndeɓ onqaa ta jegna no nogoy um. O maag no xaaga koy kaa xon, ta refat boog koƭong na ya um too faap um kaa fexin bo.›

Mberaand 44:22

I ndoonaang ee: ‹O goor olaa waagee o goƭ a faap um mbaat a goƭangaan rek xan o koor oxe a xon.›