Mberaand 44:29 - NQAARIIT NE ROOG

²⁹ Nu njangahinangaa oxene, taamaala a dalin, a woora yee naqad um ɓiskaa jaaniif.›

Mberaand 44:29 Referans Kwoze

Mberaand 42:38

Yakoob a doonaan ee: «O ƥees yoonkee fa nuun, yaam o maag um a xona, ta yoqat koƭong. Tig a damangaan na ñaaƈ ale, a woora yee naqad tigi um ɓiskaa jaaniif.»

Mberaand 43:14

Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

A cangatin ale 31:17

A koom, xan fuux es a biltooxan a den, um waas a den soo ɗasin a den mukit es. Xan a ndefik muud no qeet lakas ke, coono fo naqad a sagoox a den. Maaga, xan da lay ee: ‹Ndax ne Roog in a refateerna a ndeer in taxu coono kene fop a ndalaa a in?›

Mberaand 44:31

xan a xon yaa ta ga’na yee o goor ole gatee. Yaaga, in we dag of xan i tax faap in fee o tag of a ɓis naqad tigi jaaniif.

Mberaand 42:36

Yakoob fee faap den a laya a den ee: «Kaa nu ñaknooraxam, xa ƥees! Ee! Yoseef a mooca, Simewon ga’ataand, soo nu ndek mbugahin o ƥis a Bensame! Coono keene fop took es a mbodu!»

Mberaand 37:35

Xa ƥiy xa koor axe fo xa tew axe ten fop a ngara ndax da yaalin, ndaa a faña o yaalel. Kaa layoogu yee: «Kaam bugko ñaawooxaa o ƥees boo yaa um xonkaa, soƥkin jaaniif.» A refa no loolaa o ƥeem rek.

Mberaand 42:4

Yakoob waas’ee a Bensame fee o ndeɓ Yoseef ta yoon fa den, yaam ndik taamaala a soƥin teen.