Mberaand 44:16 - NQAARIIT NE ROOG

¹⁶ Yudaa a doonaan ee: «Xar um laykaa o yaal es? Nam um layitkaa? Nam i nqoolitkaa? Roog a ga’a tooñ no dag we wo, in wey koy ndefat faɗ no yaal in, in fo xe a tokol ale a ga’teena fop.»

Mberaand 44:16 Referans Kwoze

Mberaand 44:9

Fat oxe o ga’itkan no faɗ we wo a warel, soo in fa qoox in sax i ndefik faɗ no yaal in!»

Dañel 9:7

Wo o Yaal oxe, kaa o jof. In o mat, seeƈaar in a jaga fa in, in goor we Yudaa, we ngenna Yeerusaleem fo Ii-isra’el lakas we fop, matu yoo goƭu yoo kam a saax ake rax’oona a in fop yaam ngore’aƭar in na wo.

YEGIL MBAAX NE YEESU ne Lik a bindtuuna 12:2

Ke singeena fop xan a singtel soo ke ɗasneena fop a ñuqtel.

A lim ale 32:23

Kaa koy, nu mbi’angee neene, xan nu mbakaad no Yaal oxe, too xan nu nga’in, fat nu andin a paax.

A pi ake 2:37

Yaa da nanna fa lay faaga, cer den a ñaaƴa, too a laya a Piyeer fo apootar lakas waa yee: «Fog we, xar i mbaru o mbi?»

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

Esayi 5:3

E ndiiki koy, nuun we ngenna Yeerusaleem fo nuun wiin we Yudaa, nuun na ngate’kaa a ndeer es fo a ƭing ale mi!

Xa peƭit axe 28:17

Oxe warna o lakas kaa ƴufanaa fa nqon um. Ba o leng a xañtin o ten.

Xa peƭit axe 17:15

Oxe na ɓoxotaa oxe tooñna ɓur fo xe na gadnaa a jaambuur fee tooñ, den ɗik fop, o Yaal oxe kaa sib a den.

Ke bindeena no xe ne’eena YOB 40:4

«Mi kañ, refiim tus, ndi xar um doonkang boog? Kaam dam o don es.

Esdaraas 9:15

O Yaal oxe Roog fee Isra’el, kaa o jof, yaam xaye kaa i yoqat onqaa mucna. In wey mbaambir of, sufoox tooñ in, too o leng waagee o geenoor neene mbaambir of.»

Esdaraas 9:10

Ndiiki koy, wo Roog in, xar i laykaa a cinj kaaga? Yaam i mbaasa kebil ke wo

Haahate we 1:7

Maaga, Adoni-Beseq a laya yee: «Maad qarɓeen ɓetuu ɗik waa qol maak ke na xa ƥay axe fo ke na caf ake den a ƭegeena kaa ngisoogu ke samtoogna no roon es. Roog kaa rabdaxam deŋ ke fi’uuma!» A ƥisaan Yeerusaleem, too maaga a xontu.

Yosuwe 7:18

A matandiida o koor oo koor no ƥasil ne Sabdi, soo mbanjang ne a yen took Akaan fee refna o ƥiy Karmi fee o ƥiy Sabdi fee o ƥiy Serax na carind ale Yudaa.

Yosuwe 7:1

Ii-isra’el we a ngore’aƭara, yaam ne da nqotna no ke war’eena o yaq no gon no Yaal oxe too ta xañit’un a den. Akaan fee fog’ina na carind ale Yudaa too a ref o ƥiy Karmi fee refna o ƥiy Sabdi fee o ƥiy Serax kaa xot’u no ke war’eena o yaq. Keene o mat tax’u fuux le no Yaal oxe a biltooxan Ii-isra’el we.

A cangatin ale 25:1

«A soƥangaa yee goor ɗik kaa ndaawir boo a ngar ndax da ngate’el, fat oxe tooñeerna a ɓoxotel ɓur, soo oxe tooñna a maalel.

Mberaand 44:32

Kaa jolna keene, mi fee o tag of, mi gadooxu o goor ole ye layuuma a faap es ee: Um nomtiidangirang o goor ole, mi na tooñkang boo a paam Roog.

Mberaand 37:9

A ɗaaɗahina o ƭaaɗ o lakas, a wetandooxin fog faap we ten ee: «Kaam ɗaaɗahin ga njeeƈ ne fo o nqool onqe fo xa qoor xarɓaxay fo o xoor o leng a ngungaa mbaambir es.»

Mberaand 37:7

«Nan-gilooxyo ke ɗaaɗuuma. Kaam ɗaaɗ i ndet no qol, ngumaa a kusax. Maaga, gusax le mi a inooxa, a geenoox, soo a kusax ake nuun a ndeerin, a ngungaa mbaambir um.»

Mberaand 44:17

Maaga, Yoseef a laya yee: «Fesoorkiim neene! O koor oxe a tokol ale a ga’teena na refkaa o paɗ es. Nuun o mat, nqaadyo na jam maa faap nuun.»

1 Maad we 17:18

O yaal mbind o tew oxaa a ñofa o laamit a Eliya yee: «Xar i ndeeru, wo o kiin Roog oxe? Kaa o xalatooxiidaam ndax o wetand a Roog tooñ es boo a tax o ƥees a xon neeke?»