Mberaand 43:8 - NQAARIIT NE ROOG

⁸ Yudaa a laya a Isra’el fee faap um ee: «Xaƴi o goor ole ta yoon fa mi. Xan i inoox ndet, neene i nqonkee, wo fo xa ƥiy in fa in fa qoox in.

Mberaand 43:8 Referans Kwoze

Mberaand 42:2

Nanaam ee bele a jega no saax laa Misira. Ndetyo njikik maaga ñoowir ndax nqeex ne warkee a in.»

A cangatin ale 33:6

Keeke a layu na Ruben: «Yaasam a carind ale Ruben a ñoowaa too baa ñuf muk, ke da mayeerna may fop oo!»

A kim a tedu ke 118:17

Xonkiim boog, ndaa xam ñoowaa, yegnitaa a pi ake no Yaal oxe.

Esdaraas 8:21

Maaga, paam o xuluɓ olaa Ahawa heblitaam koor, ndax i neewandoox mbaambir Roog in, nqeɗin ta ci a in, in fo xa ƥiy in fo o jeg in fop, a ñaaƈ a pelu.

2 Maad we 7:13

O leng no dag we ten a doonaan ee: «Fat i njang pis ƥetik no we yoqna na teeru fee, yaam no nqon rek a mujaa nen Ii-isra’el we ngenna meen fop. Fat i lul a den boo nga.»

2 Maad we 7:4

I ndokangaa kam teeru fee, xan i nqon, yaam i soƥkatee maaga ñaamel, too i yoqangaa meeke, xan i nqon itam! Fat i ndet boog no saŋe naa no Aa-araam waa, i ƥoxotoox na den. A nqaƴangaa a in i ñoow, a faaxa, a mbarangaa a in koy, e, i nqon rek!»

A lim ale 14:31

Xa teɓandoong nuun axe nu layna koy ee xan a njaɓel, xam rokin a den no saax leene nu sibna, da njegkin.

A sutax ale 20:12

Niwi a faap of fa ya of, ndax o xuuɗ kam saax le um ci’kang, mi o Yaal oxe Roog of.

Mberaand 50:21

Yaaga koy, ba nu saɗar dara. Xam jofnoox no fop ke nu soxla’na, nuun fo xa ƥiy nuun.» A yaalta a den fa lay feene boo xa laaw den a ndalat.

Mberaand 50:8

we no mbind Yoseef fop, fog faap we ten fo we no mbind faap um. O leng yoq’ee kam o jegel ole Goseen, a refangee xa caaƈ axe fo a ked ake fo xa siir axe.

Mberaand 45:19

Fat o hebil a den keeke: Nqotityo Misira a sareet akaa nu ƥistiidna xa ƥiy axe nuun fo rew we nuun. Fat faap nuun a ŋaaynel teen, a gar.

Mberaand 44:26

I ndoonaan ee: ‹I mbaagee o nomtoox kat. A soƥangaa koy ee xan o ndeɓ onqe in a yoon fa in, yaaga xan i ndet, yaam i mbaagkee o njasnoor fo koor oxaaga a refangee kaa o ndeɓ onqe in a yoon fa in.›

Mberaand 42:38

Yakoob a doonaan ee: «O ƥees yoonkee fa nuun, yaam o maag um a xona, ta yoqat koƭong. Tig a damangaan na ñaaƈ ale, a woora yee naqad tigi um ɓiskaa jaaniif.»

Mberaand 44:20

I ndoonaang, wo fee o yaal in ee: ‹I njega a faap fa nogoyu fo o ndeɓ onqaa ta jegna no nogoy um. O maag no xaaga koy kaa xon, ta refat boog koƭong na ya um too faap um kaa fexin bo.›