Mberaand 43:29 - NQAARIIT NE ROOG

²⁹ Yoseef a yoɗa a kid um, too ye ta ga’na a Bensame fee ta fogitna a yaay, a laya yee: «Ndax oxene refu o ndeɓ nuun onqe nu ne’oogaxama?» A ɓaata teen ee: «O ƥees, yaasam Roog a lalong o paaxel!»

Mberaand 43:29 Referans Kwoze

A lim ale 6:25

Yaasam o Yaal oxe a lal a nuun a tagid um too a yirim a nuun.

Mberaand 42:13

A ndoonaan ee: «In we dag of, xarɓaxay fo ɗik i ndefu waa mbogna a faap fa leng kut no saax laa Kanaan. Oxe moƴna ref o ndeɓ koy, oxaay fa faap in xaye, too a jega oxaa maadateerna.»

Hebre 13:1

Ngenyo no mbexraa a ndeer nuun nen waa ndefna fog na Kiristaa!

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

Mark 10:24

Daalbe waa a njaaxiɗ’a na fa lay feene lool. Kaa koy, Yeesu a dakooxa o lay a den ee: «Xa teɓandoong es, o rok no Maat ne Roog a ɗoma lool.

Mace 9:22

Yeesu a wiƈaqilooxa, too yaa ta ga’uuna a layaan ee: «O ƥees, saƭakinooxi, yaam o ngim of a muclaang.» Na waxtu faaga sax sax o tew oxaaga a wodu.

Mace 9:2

Maaga, a ɓisiide o ƥoof oxaa wondneena no njong. Yeesu a ga’a o ngim den, too a laya o ƥoof oxe yee: «Saƭakinooxi, o ƥees, yaam pakaad of a mbaasane.»

Malaki 1:9

Ndiiki koy, njeemyo o nqeɗoox a Roog, ndax ta yirim a in! A woora yee jaaɓkee a nuun yaam sadax ke nu ƥoxotan. Keene o Yaal oxe Hupna fop a layu.

Esayi 33:2

O Yaal oxe, yirmi a in! Na wo i yaakaaru. Refi doole in nqes nuu refna fo a muc in itam yaa fa naqad fee.

Esayi 30:19

Wo xeet fee Siyoŋ, wo fee na ñoowaa Yeerusaleem, loolkatiro boo muk. A mbanuu ƴufginooxoona o Yaal oxe, xan a yirmong, ten fa naneerong yaqanu ta jaaɓong.

A kim a tedu ke 112:4

A qoolaand kaa meleƈanaa jofu we kam o niɓaan ole. Kaa jeg yirmande, a yaaj kam soo a jof.

A kim a tedu ke 111:4

A buga com’andtu ke ten a mbetandooxeel. O Yaal oxe kaa jeg yirmande, a yaaj kam.

A kim a tedu ke 67:1

O yaal a ƭat ale no jeejeek we a xoolne yee a kim alene kaa yoonandteel o nqilimb, a ref a Kim a tedu.

2 Caloori ke 29:11

Me ta refna koy fog es, nu mbaratiran o yapatil yaam o Yaal oxe fa xoox um o mat jilu a nuun, ndax nu ngeenooxaa mbaambir um, njalanan, ndef dag um soo ƥoxotan cuuraay.»

Yosuwe 7:19

Yosuwe a laya a Akaan ee: «O ƥees, ɓoxoti o Yaal oxe Roog fee Isra’el o ndam, niwin too layaam ke fi’oona, fañaam o ɗas dara.»

Mberaand 45:8

Refee boog ee nuun ƥisiidaxam mene, ndaa Roog fa xoox um sax oo. A dalnaxam um refat ‹faap› Firawon fee, kelfa no mbind um fop fo gofornoor no saax le Misira fop.

Mberaand 42:11

In fop, faap fa leng kut rimu a in, ndigil kak i layaa, in we dag of, i ndefee hoohorax.»

Mberaand 35:24

xa piy axe Rakel a ndef: Yoseef fa Bensame.

Mberaand 44:21

Wo fee o yaal in layaa a in ee: ‹Ƥisiidaamoo o ten boo um ga’oodin.›