Mberaand 43:27 - NQAARIIT NE ROOG

²⁷ Yoseef a laamta a den o wod-fo-ɓaal den, a lay a den ee: «Faap nuun fa nogoyu fee nu ne’oogaxama o mat, mbaa jam soom a jegu? Mbaa oxey a maadaa?»

Mberaand 43:27 Referans Kwoze

Mberaand 42:13

A ndoonaan ee: «In we dag of, xarɓaxay fo ɗik i ndefu waa mbogna a faap fa leng kut no saax laa Kanaan. Oxe moƴna ref o ndeɓ koy, oxaay fa faap in xaye, too a jega oxaa maadateerna.»

1 Caloori ke 18:10

A lula o ƥeem Hadoram maa no maad Dawid, ndax ta daawnin simin um soo a kañin, yaam ne ta songna a Hadadeseer, a xawin. Ke garitna keene koy refu yee To’u kaa fañroogu fa Hadadeseer. A lulta a Dawid itam kaa jalteena xaaliis fo kaa jalteena wurus fo kaa jalteena xanjar.

1 Sami’el 25:5

a lula xa pes xarɓaxay maa ten, a lay a den ee: «Ndetyo Karmel maa Nabal, nu simnanaam o ten,

1 Sami’el 17:22

Dawid a xaƴa a toq ale ten maa no xe yetooxoogna tig oo tig ke soo a ƴufan xiixire waa. Ndak fo ndak, ye ta fadiidna, a simnira fo maag we ten.

Haahate we 18:15

Maaga, goor ɓetuk waa a ƭapa me no fes o Leelewi le, kam mbind Mise, a laamtin nam a fi’u.

A sutax ale 18:7

Maaga, Moyiis a sutooxa, a xetook o seemir um, a gooknooxin soo a foonin. A laamtira fo ɓaal soo a ndokkaa no ƭiif naa Moyiis.

Mberaand 42:11

In fop, faap fa leng kut rimu a in, ndigil kak i layaa, in we dag of, i ndefee hoohorax.»

Mberaand 41:16

Yoseef a doona a Firawon fee yee: «Refee yee mi ndaa Roog fa xoox um na cooxkang a tekit ale jofooxoonga.»

Mberaand 37:14

Isra’el a layaan ee: «Reti ɗeetik fog faap we wo ndax njiree fo ndax tig damee ged laa. Cinj kaaga, o gar layaam.» Neene a lultun ta inoor na yulanq alaa Hebron, soo Yoseef a ret Sikeem.

Mberaand 43:7

A ndoonaan ee: «O koor oxaaga kaa laamit a in kaa farna na in fo no ƥasil in ee: ‹Ndax faap nuun oxey a ñoowaa boo ndiik? Ndax nu njega o ndeɓ?› Maaga, i njaaɓa laamit keene. Ndax i mbaag’a o and ee xan a lay a in ee fat i ƥisiid o ndeɓ in?»

Mberaand 45:3

Yoseef a laya fog faap we ten ee: «Mi yoo, mi Yoseef! Ndax faap es oxey maad o ñoowaa?» Kaa koy, fog faap we ten mbaag’iran o ndoon yaam a njaaxiɗ ne da njasnoor’ina fo ten.

2 Maad we 4:26

Ƴufi xetookin boog, o laamtin ee: ‹Mbaar jam soom jego? O kor of fo o ƥeef jam rek a njegu?› » O tew oxaa a doona a Gehasi yee: «Jam rek kañ.»