Mberaand 43:14 - NQAARIIT NE ROOG

¹⁴ Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

Mberaand 43:14 Referans Kwoze

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

A pi ake 21:14

Ne ta fañ’ina o nanan a in, i tiima, too i laya yee: «Yaasam ke Roog a bugna a jeg!»

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

Xa peƭit axe 16:7

Boo a pesoorooƭ no kiin a felna o Yaal oxe, a naagaan o jofoorandaa fo fañ um sax.

A kim a tedu ke 119:41

O Yaal oxe, fat o mbeq of a xay na mi, muclaam ne regtitanoona.

A kim a tedu ke 100:5

yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.

Mberaand 22:14

Abraham a ne’a o mbiñ onqaaga Yahwe-Yiree. Ten taxu ta layeel boo xaye yee: «Xan pexey a jeg no joong ole no Yaal oxe.»

2Saŋ 1:3

Yaaga koy, yaasam Roog Faap fee fa Yeesu Kiristaa fee o Ƥeem a ci a in yirmande fo a baasan fa jam, da sax na in no ndigil fo no mbeq.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

1 Timote 1:16

Kaa koy, ne laytanuuma, kaam daaw yirmande, ndax Kiristaa Yeesu a eet o laltit na mi o muñ um fop. Neene, xam ref o ɗeendoor mbaambir no we na ngimkaa no ten, ndax da njeg o ñoow o fagkeer ole.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

A pi ake 7:10

a muclan no coono ke ten fop. A ci’aan itam o and fo yiif mbaambir Firawon fee o maad Misira. Oxeene o mat dod’un ta adooxan saax laa Misira fo mbind um fop.

YEGIL MBAAX NE YEESU ne Lik a bindtuuna 1:50

Xan a yirim we saɗaruuna na xa taan boo na xa tanaraat.

Esayi 49:13

Wo asamaan, lalti o ɗaay of, lanq ke, mbelakinooxyo, nuun xa coong axe, mbecooxyo fo xa ƈeel, yaam o Yaal oxe xe yaalaa xeet um, soo a yirmaa toroxu we ten.

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

Xa peƭit axe 1:1

Xa peƭit axe Salomo fee o ƥiy Dawid, o maad Isra’el.

Esdaraas 7:27

Esdaraas a falalooxa yee: «A simat a hela o Yaal oxe Roog fee no daan in riñna o maad oxe ta niwit neene Mbind ne no Yaal oxe refna kam Yeerusaleem.

Mberaand 42:36

Yakoob fee faap den a laya a den ee: «Kaa nu ñaknooraxam, xa ƥees! Ee! Yoseef a mooca, Simewon ga’ataand, soo nu ndek mbugahin o ƥis a Bensame! Coono keene fop took es a mbodu!»

Mberaand 42:24

Yoseef a riƈatooxa a den ndax ta lool. Cinj kaaga, Yoseef a nomtooxiida, a lay fa den. A dama a Simewon, a jengtin na kid den.

Mberaand 39:21

Naaga boog, Yoseef a reeƭa kam kaso faa. O Yaal oxe a reeƭa fa Yoseef, a lalin o paaxel um. A ci’aan ta daaw yirmande no aa-adax oxe no yeeyetax we na kaso fee.

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

A kim a tedu ke 85:7

Ndax kaa nomtiidkiro a in no ñoow ole, ndax in we xeet of, i mbelakinoox na wo?

YEGIL MBAAX NE YEESU ne Saŋ a bindtuuna 19:22

Maaga Pilaat a doona yee: «Ke binduuma, bindaanum boo ƴut.»

Mberaand 43:13

Nqotyo o ndeɓ onqe nuun, nu inoox ndet maa no koor oxaaga.

A kim a tedu ke 106:46

A fi’a boo we ƥis’ina a den took o hup doole a njegat yirmande na den.

Mberaand 44:12

Jawdiin fee a joktooxa, a eetit no maak oxe, a gar no xe moƴna o ref o ndeɓ. A tokol ale a soƥe no saaku le Bensame.