Mberaand 43:11 - NQAARIIT NE ROOG

¹¹ Isra’el fee faap den a laya a den ee: «Feek neene yoo de, neeke nu mbi’kaa: Ƥisanyo o koor oxaaga ɗang no tikoorik ke nuun, ƥisloox teen no paax ke no saax le, teex ƭuumooxel, suum, qeeñe-xeeñe, miir, xa pistaas fo xa tim amaand.

Mberaand 43:11 Referans Kwoze

Mberaand 37:25

Cinj kaaga, a ndeera, a ñaamaa. Ye da yoɗna a kid den, a nga’a o lox keeleemb no Ii-isma’el waa inoorna Galaad. Keeleemb ke den kaa suf’u qeeñe-xeeñe fo teex ƭuumooxel fa miir faa da njikookaa Misira.

Yeremi 8:22

Ndax kaa jegatee teex ƭuumooxel kam Galaad, ndax kaa o baawaadin jegatee teen? Xar taxu boog xeet es waagee o moƴan?

Heseki’el 27:17

Yudaa fo saax le Isra’el kaa njikroogu fa wo, a sofritaa fa wo bele fee Minit, kaaf, suum, diwliin fo ƭuumwel.

Xa peƭit axe 18:16

Neexil kaa wetanaa o yaal um a ƭat, a ɓisin me no wiin maak we.

1 Sami’el 9:7

Sawul a laya o tag oxaa ten ee: «I ndetangaa o mat, xar i cooxkaa o kiin Roog oxaaga, yaam i njegatee mbuuru leng no poxos ke in, too i saqee dara lakas kaa i cooxuuna. Ndi kaa i yoqiɗ tig boog?»

A pi ake 21:14

Ne ta fañ’ina o nanan a in, i tiima, too i laya yee: «Yaasam ke Roog a bugna a jeg!»

Heseki’el 27:15

We Dedaan kaa njikroogu fa wo. Cula ke na pimb a mayu na xa ƥay of a ƥeeroogu. Kaa o rabditoogel njigand ne a ñiiñ fa ñiig fo a teex ndaxar eben.

A kim ale na kim ake 8:14

Wo fee buguuma bug, ñofi gar took xa coong axe suleena qeeñe-xeeñe, nen mbat mbaat njaf ndeɓ!

A kim ale na kim ake 4:14

naar fee fa safroŋ, lorye fa kanel, taxar ke na cooxtaa cuuraay fop, miir fa alowes fo ƭuumooxel ke moƴna o mbel.

A kim ale na kim ake 4:10

O cigeen es, o toog es, mbug of a fela lool. Ten moƴu o fel biiñ fuuf, too tuñ ke no ƭuumooxel ke wo moƴu o mbel qeeñe-xeeñe kuu ndefna.

Xa peƭit axe 21:14

Ci’it ne cooxteena na kunpa kaa ɓoosdandaa fuux, neexil ne ɓoxoteena na pet a riimnaa ngañak.

Xa peƭit axe 19:6

Wiin mayu kaa njeyaa o kiin o maak oxe, fop a ndef xaariit no xe na ci’taa.

Xa peƭit axe 17:18

Oxe na gadooxaa o kend um no lad, a regit o rabdan o lakas, kaa ñak-xoox.

A kim a tedu ke 76:11

Fuux le no wiin we sax xan a ɓoxotong o ndam, soo we mucna no fuux le wo a mbumbaayanang.

A kim a tedu ke 72:10

Maad we Tarsis fo we na pimb ake xan a ƥisiidin ci’it, maad we Saba fo we Seeba a ƥoxotin a bateer.

A kim a tedu ke 68:29

Wo Roog, lalti katil of, doole of fee fi’anna a in caaku,

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

2 Maad we 20:12

Na jamaane faaga, Merodak-Baladan fee o maad oxe Babilon, a ref o ƥiy Baladan, a lulta a Hiskiya xa leetar fo a ƭeeteer, yaam a yeg ee kaa jir’u.

2 Maad we 16:8

Ahas a janga xaaliis fee fa wurus fee ndeeƭna kam Mbind ne no Yaal oxe fo na kamba le no mbind no maad ne, a lultin o maad oxe Asuur nen ci’it.

2 Maad we 8:8

O maad oxe a laya a Hasa’el ee: «Xoti ci’it, ret maa no kiin Roog oxaa, o layin ta laamtanaam o Yaal oxe boo um and, ndax xam wod no jir lene.»

1 Maad we 15:19

«Fat i tipir nqaariit, ne ta refit’ina a ndeer faap es fa faap of. Lultiidaaxoong xaaliis fa wurus. Reti tas nqaariit ne a ndeer of fa Baasa fee o maad Isra’el, ndax ta in wiin we ten no fiisel ole mi.»

1 Maad we 10:25

O hiid oluu refna, wiin weene fop a ƥisiidooga a Salomo ci’it: kaa jalteena xaaliis, kaa jalteena wurus, ñirax, ƥonax, pelu tuñ, pis fo perkele.

1 Maad we 10:15

fogreerna fo ke hatoogna na bateer ake no jula maak we fo no jiijikax we fo no maad we Arabi fop fo no gofornoor ke no saax le.

1 Sami’el 25:27

Ndiiki koy, jaɓi ci’it ke ɓisiidoonga. Lasiryo a den, wo fo yoon of.

A cangatin ale 33:14

ke moƴna faax no ke njeeƈ ne a foornaa fo ke moƴna faax no ke na saxaa o nqool onquu refna,

Mberaand 43:14

Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

Mberaand 33:10

Maaga, Yakoob a doonaan ee: «Ha’aa, kaam xeɗang a soƥangaa kañ ee daawaam yirmande of, jaɓi ci’it neeke um cooxang, yaam ten taxu um ɗeet mukit of, ne mukit Roog a ɗeetteel, too jaɓaxamo.

A paɗax ale 20:24

Lay’aam a nuun koy ee: ‹Nuun na lamkaa lanq ke den. Xam ci’in a nuun, nu njegkin. Saax laa fo sis fo suum a ndaxritaa yoo!› Mi refu o Yaal oxe Roog nuun, jektirandna a nuun fo qeet lakas ke.

Mberaand 43:10

Kaa jolna keene, boo i ñaal’aandeena neeke soƥkooga i njeg a caf a ƭak Misira boo ngat.»

Mberaand 43:15

A nqota ci’it ke, a nqot xaaliis faa hupna fee da ƥis’ina, soo Bensame a yoon fa den. A inooxa, a ndet Misira, a taar maa Yoseef.

Mberaand 43:25

A njaganda ci’it den, a cungaa Yoseef a fudooxiid waxtu a put, yaam a nan’ayo yee maaga a mbutoorkaa.

Mberaand 43:26

Yaa Yoseef a gatna no mbind naa rek, a ƥoxotaan ci’it ke da saq’ina, soo a ngung a lanq mbaambir um.

Heseki’el 27:22

Jula we Saba fo we Raama kaa njikroogu fa wo. A ƥisiidooga no luuma ke wo qeeñe-xeeñe ke moƴna o mbel, a ƥil a cafeñu kuu ndefna fa wurus.

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.