Mberaand 42:6 - NQAARIIT NE ROOG

⁶ Yoseef kelfa a reeƭu kam saax laa. We no saax laa fop ten jikooxoogu a den bele. Fog faap we ten a ngara, a ngung a lanq mbaambir Yoseef.

Mberaand 42:6 Referans Kwoze

Mbeeñil 3:9

Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

A pi ake 7:10

a muclan no coono ke ten fop. A ci’aan itam o and fo yiif mbaambir Firawon fee o maad Misira. Oxeene o mat dod’un ta adooxan saax laa Misira fo mbind um fop.

Mberaand 45:26

A layaan ee: «Yoseef oxe maad o ñoowaa, too sax ten refu gofornoor no saax laa Misira fop.» Kaa koy, kaaga yo’in’ee a Yakoob, yaam gim’ee ke da layoogna.

Mberaand 45:8

Refee boog ee nuun ƥisiidaxam mene, ndaa Roog fa xoox um sax oo. A dalnaxam um refat ‹faap› Firawon fee, kelfa no mbind um fop fo gofornoor no saax le Misira fop.

Mberaand 44:14

Yudaa fo fog faap we ten a nomtooxiida no mbind Yoseef. Yoseef koy, maaga a maad’u, too a ngunga a lanq mbaambir um.

Mberaand 19:1

Malaaka ƭik a mbadiida Sodoom no kirand ngoor, a soƥ Lot a moof no ndokand ne Sodoom. Ye Lot a ga’na a den, a inooxa, a xetook a den, soo a gung a lanq.

Mberaand 18:2

Abraham a yoɗa a kid um, soo a ga goor daduk waa ngoƭ’eeruuna. Yaa ta ga’na a den, a inoora no ndokand ne no ƭiif ne ten, a ƴuf a xetook a den. A gunga a lanq,

Mberaand 33:3

Ten fa xoox um a adooxana a den, a gungaa a lanq boo a caf ɓetaa ƭaq, soo a sogkaa o fadiid paam o maag um.

Mberaand 41:43

A ŋaaynaan na sareet a ƭikandeer ale ten, reefoogna a cinj um, soo da mbalalooxaa mbaambir um ee: «Abrek!» Neene Firawon fee a cooxtun sañ-sañ took saax le Misira.

Mberaand 48:12

Yoseef a inta a den no kuɓay ke faap um, soo a gung a lanq.

1 Sami’el 20:41

A cinj ye o goor ole a retna, Dawid a sutoora me ta ɗas’ina laqa juum le na ƥil ake, a dalfoox o gooknoox, a gung boo a caf a tadak mbaambir Yoonatan. Den ɗik fop a ndalfooxa o mbarakoor, a ndef na xa lool xa ƭomu, moƴtaa sax Dawid.

Xa peƭit axe 11:26

Xeet fee kaa salooxaa oxe daaxna ndap um, a cungaa njigand ne ɓaatoox, oxe na jikooxan o mat kaa gidmeel.

Esayi 60:14

Xa ƥiy axe no we ñagadiloogoonga xan a matiidong, a lupandoox. Fop we nqaadnooxoogoonga xan a ngooknoox na caf of, a nqoyang teeru fee no Yaal oxe, Siyoŋ fee no Tedu xe Isra’el.

Mberaand 41:54

soo xa kiid ɓetaa ƭaq biim axe a ngar ne Yoseef a layit’uuna. Biim a jeg’a na saax ake fop, ndaa kam saax le Misira o mat ñoowir ñak’ee maaga.

Mberaand 41:57

Wiin we kaa inooroogu muu refna na saax ake, a njikiidaa bele me Yoseef, yaam biim le kaa ɗom’atu tigi na saax ake fop.