Mberaand 42:36 - NQAARIIT NE ROOG

³⁶ Yakoob fee faap den a laya a den ee: «Kaa nu ñaknooraxam, xa ƥees! Ee! Yoseef a mooca, Simewon ga’ataand, soo nu ndek mbugahin o ƥis a Bensame! Coono keene fop took es a mbodu!»

Mberaand 42:36 Referans Kwoze

Mberaand 43:14

Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

O leetar ole Pool a bindna GIMU WE NGENNA ROM 8:31

Xar i ƥaatkaa o lay no keene koy? Roog a refanangaa a in, an na waagankaa a in tig?

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

Mace 14:31

Ndak fo ndak, Yeesu a letna o ɓay um, a damin, too a layin ee: «Wo soo neew o ngim! Xar taxu o gimaƭar?»

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Esayi 38:10

«Kaam layoogu yee: Mexey foda na doole es tigi soo war o xaad jaaniif neeke haat! Ke yoqɗoor’eema na xa kiid es kaa xuufel.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

O baawaare xe 7:8

O ƴutand tig moƴu o sogan o fer, jeg o muñ a moƴ a magnandax.

Ke bindeena no xe ne’eena YOB 7:7

Wo Roog, wetandooxi yee o ñoow es kaa nand nen a ƥay nqeñ, a kid es nga’katee o ɗaay.

1 Sami’el 27:1

Dawid a laya taa no yiif um ee: «Na bes fa leng xan Sawul a mosaam o war. Jegiim pexey lakas, a refangee um ƴuf, jaɓnook no saax laa no Fiifilista waa. Neene, Sawul daabkatiraam kam o fiisel ole Isra’el fop, too xam waag o daɗ.»

A kim a tedu ke 34:19

O Yaal oxe xe paam no we a qeeñ den a naqadilooxna, too kaa muclaa we a yiif den a njaqna.

Mberaand 47:12

Yoseef a cooxa a faap um fo fog faap we ten fo ƥasil den fop ñoowir, a reefandin no ne a qoox ake den a mbodna.

Mberaand 45:28

Yakoob a laya yee: «A faaxa! Yoseef fee o ƥees a maada o ñoowaa! Xam ret boo ga’ood kañ boo heluuma o xonaa!»

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

Mberaand 42:37

Ruben a laya a faap um ee: «Dooni a Bensame na xa ƥay es too xam nomtiidong o ten. Um nomtiidangirang o ten, fat o war xa ƥees xa ƭaq axe.»

Yeremi 31:15

Keeke o Yaal oxe a layu: «O wuuq a nane na saate faa Rama, ƭomatax fo xa lool xa ƭomu, Rakel na loolaa xa ƥeem too bugee o yaalel yaam maadatee.»

Mberaand 44:12

Jawdiin fee a joktooxa, a eetit no maak oxe, a gar no xe moƴna o ref o ndeɓ. A tokol ale a soƥe no saaku le Bensame.