Mberaand 42:21 - NQAARIIT NE ROOG

²¹ A layra a ndeer den ee: «Ga’na rek, kene kaa dal a in yaam ke i mbi’na o pog faap oxe in. I nga’a naqad um ye ta xeɗooxaa a in, ndaa i mbug’iran o nan-giloox! Ten taxu xaye in wey na naqad.»

Mberaand 42:21 Referans Kwoze

Hoose 5:15

Xam naag col, ret, nomtoox no ngenand es, boo yaa da njaɓkaa yee den tooñu soo a mbaaƭaxam. Kam naqad fee xan a ƈufginooxaxam ee:

1Saŋ 1:9

I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

A pi ake 19:18

Mayu no waa ngim’ina a mbeejliidooga mbaambir no fop paaxeer ke da mbi’’ina.

YEGIL MBAAX NE YEESU ne Lik a bindtuuna 16:28

Jegaam xa teɓ xa ƥetaq. Fat a maƭoox a den, ndax ngarkee den itam no mbiñ o ƭomu nqene.›

Mark 9:48

Maaga max ke na yaqaa cer ke nqonkee, too fiɗel le ñufkee muk.

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Xa peƭit axe 28:17

Oxe warna o lakas kaa ƴufanaa fa nqon um. Ba o leng a xañtin o ten.

Xa peƭit axe 21:13

Oxe na suxlooxaa ƈufginax no ndool onqe, xan a ƴufginoox ten fa xoox um, too jaaɓkaand.

1 Maad we 17:18

O yaal mbind o tew oxaa a ñofa o laamit a Eliya yee: «Xar i ndeeru, wo o kiin Roog oxe? Kaa o xalatooxiidaam ndax o wetand a Roog tooñ es boo a tax o ƥees a xon neeke?»

2 Sami’el 12:13

Maaga, Dawid a laya a Natan ee: «Tooñaam o Yaal oxe!» Natan a layaan ee: «O Yaal oxe a waasanaang tooñ of, too xonkiro.

Haahate we 1:7

Maaga, Adoni-Beseq a laya yee: «Maad qarɓeen ɓetuu ɗik waa qol maak ke na xa ƥay axe fo ke na caf ake den a ƭegeena kaa ngisoogu ke samtoogna no roon es. Roog kaa rabdaxam deŋ ke fi’uuma!» A ƥisaan Yeerusaleem, too maaga a xontu.

A lim ale 32:23

Kaa koy, nu mbi’angee neene, xan nu mbakaad no Yaal oxe, too xan nu nga’in, fat nu andin a paax.

Mberaand 41:9

Maaga, oxe topatooxoogna a yer ale no maad oxe a laya a Firawon fee yee: «Daali maad o yaal es, xam wetandooxong xaye tooñ ne mi faafna.

Yeremi 4:18

A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Mberaand 45:3

Yoseef a laya fog faap we ten ee: «Mi yoo, mi Yoseef! Ndax faap es oxey maad o ñoowaa?» Kaa koy, fog faap we ten mbaag’iran o ndoon yaam a njaaxiɗ ne da njasnoor’ina fo ten.

Mberaand 50:15

Ye fog faap we Yoseef a nga’na yee faap den a xona, a laya yee: «Xan Yoseef a fuuxan a in soo a doon a in paaxeer ke i mbi’uuna fop.»

Mberaand 44:16

Yudaa a doonaan ee: «Xar um laykaa o yaal es? Nam um layitkaa? Nam i nqoolitkaa? Roog a ga’a tooñ no dag we wo, in wey koy ndefat faɗ no yaal in, in fo xe a tokol ale a ga’teena fop.»