Mberaand 42:18 - NQAARIIT NE ROOG

¹⁸ No ñaal ndadkandeer naa, Yoseef a laya a den ee: «Mbi’yo kene, too xan nu ñoow, yaam saɗaraam a Roog!

Mberaand 42:18 Referans Kwoze

A paɗax ale 25:43

Ba nu toroxand a den, ndaa fat nu saɗaraam, mi fee Roog nuun.

Nehemi 5:15

Gofornoor ke adooxaxama kaa ñaatlandoogu xeet fee, a seraa a den ñaamel fa biiñ, kaa jolna xa monjong qarɓeen nahik xaaliis fa nqoolu xe. Dag we den sax kaa toroxandoogu xeet fee. Mi o mat, fesooriim neene, yaam o saɗar a Roog.

YEGIL MBAAX NE YEESU ne Lik a bindtuuna 18:2

A laya yee: «A jeg’a na teeru, o kaahate xaa saɗar’eerna a Roog, too a ƭat um yongee no leng.

Mberaand 20:11

Abraham a doonaan ee: «Kaa saf’aam ee jegee o leng oxaa saɗarna a Roog no saax leeke, too mexaa layaa yee o tees oo, da mbaraam a njangin.

YEGIL MBAAX NE YEESU ne Lik a bindtuuna 18:4

Kaa koy, a miña lool, too dimle’iran. O kaahate xe a muj’ata o layaa taa no yiif um ee: ‹Refiim oxaa saɗarna a Roog, too a ƭat es yongee no leng.

Nehemi 5:9

Layahinaam a den ee: «Ke nu mbi’aa faaxee! Kaa nu mbar o ñaaƴ no saɗar a Roog in, ndax qeet ke fañ in mbenkee a in.

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

Mberaand 42:19

A soƥangaa yee ke nu layaa oxey na nuun, fat o leng na nuun a yoq kam kaso fee, soo nu ndet ƥis bele fee ndax nu ñoownik ƥasil nuun.

A sutax ale 18:21

Jili ndeer xeet fee fop wiin deyu waa saɗarna a Roog, a saɗ ndigil, a mbañ oxaa gerna a den. No wiin juni wuu ndefna fo no wiin teemeed wuu ndefna fo no wiin qarɓeen ƥetik wuu ndefna fo no wiin xarɓaxay wuu ndefna, dodi o leng no weene jiloona, ta adooxan a den.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

A sutax ale 1:17

Kaa koy, gaagaajin we kaa saɗar’u a Roog too mbi’’ee ke o maad oxe Misira a lay’ina a den. Kaa nqaƴoogu xa koor axe da ñoow.

A paɗax ale 25:17

Ba o leng na nuun a nax o kend um, ndaa saɗaryo a Roog nuun. Mi refu o Yaal oxe Roog nuun.