Mberaand 42:15 - NQAARIIT NE ROOG

¹⁵ Um ñak a Firawon fee, xan i ƭeet ndax ndigil nu layaa ndax nam. Nu sutooxkee mene, a refangee kaa o ndeɓ nuun a gariid.

Mberaand 42:15 Referans Kwoze

1 Sami’el 17:55

Ye Sawul a ga’na Dawid a xetkaa fo o Fiifilista xe, a laamta a Abineer fee farɓa fa maak um ee: «Abineer, o fes olaana o ƥiy an oo?» Abineer a doonaan ee: «Daali maad, ne ta wooritna yee woxe ñoowaa, neene a woortu yee andinum.»

Saak 5:12

Fog es, ke moƴna o jeg o njiriiñ refu yee ba nu ngaañ. Ba nu ngaañit a Roog, ba nu ngaañit adna fee, ba nu ngaañit tig lakas itam. O layangaa tig, too and ee ndigil oo, layi rek ee: «Iyo!» A warangaa layel: «Ha’aa» layi yee «Ha’aa» ndik Roog a hate’ong.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 5:2

A ndaaɓooxangaa yee: «Mexe gaañtan o Yaal oxe na ñoowaa!» a taaƥax den xa maaƥ xa ƥor oo.

1 Sami’el 20:3

Dawid a saƭka na: «Faap of a anda xil ee daawaam yirmande of, ten taxu ta xalaat ee: ‹Yoonatan wariran o yeg, yaam ndik ta naqadilin.› Kaa koy, ne ta wooritna yee o Yaal oxe xe ñoowaa fo ne ta wooritna yee woxe ñoowaa, a woora yee daaraand leng kut rokatu a ndeer es fo fa nqon!»

1 Sami’el 1:26

Xaan a laya a Eeli yee: «O yaal es, ndax wetandooxaa o tew oxaa mos’ina ref meeke a paam of too a xeɗoogu? Ne ta wooritna yee woxe ñoowaa, neen a woortu yee mi a reeƭu.

A cangatin ale 6:13

Fat nu saɗar o Yaal oxe Roog nuun, mbaɗooxan ten doŋ soo ndaaɓooxaa no gon um soom.

Mberaand 43:3

Yudaa a layaan ee: «O koor oxaaga a maƭoox’a a in a paax ee: I nga’kee mukit um a refangee kaa o ndeɓ onqe in a yoon fa in.

Mberaand 42:34

Neene, xam and ee nu ndefee hoohorax too ndigil nu layaa. Xam nomit a nuun o pog nuun, too xan nu mbaagat o ñaaƴaa muu felna a nuun kam saax le o cok nuun took.› »

Mberaand 42:30

«O koor oxaa refna o yaal saax laa kaa ŋal’u a in, soo a jamb a in hoohorax.

Mberaand 42:20

Fat nu ƥisiidaam o ndeɓ nuun o ngoor onqaaga, ndax fa lay nuun a fetoox, neene nu nqonkee.» A mbi’a naaga.

Mberaand 42:16

Fat o leng na nuun a xotkin. Nuun we yoqna, nu mbegel kaso. Um ñak a Firawon fee, xan fa lay nuun a ɓaalel. Xam and ndax ndigil nu layaa, ndax hoohorax nu ndefu.»

Mberaand 42:12

A laya a den ee: «Refee ndigil tus! O ngoroox boo and me saax le a yooɓeena o gefit doŋ taxu nu ngar.»

Mberaand 42:7

Yoseef a ga’a fog faap we ten, a andid a den, soo a juumaaroox a den, a ŋal a den ee: «Mam nu inooru?» A ndoonaan ee: «No saax laa Kanaan i inooru, njikiid kaa i ñoowitna.»

Mberaand 42:14

Yoseef a laya a den ee: «Kaam lay a nuun xatoor ee hoohorax nu ndefu.

Mberaand 43:5

O jaɓangiran o xaƴ koy, i ndetkee, yaam o koor oxaa kañ a laya a in ee: ‹Nu nga’kee mukit es a refangee kaa o ndeɓ onqe nuun a yooniid fa nuun.› »