Mberaand 42:1 - NQAARIIT NE ROOG

¹ Yakoob a yega yee bele a jega Misira. A laya xa ƥeem axe yee: «Xar taxu nu ƭeetraa neeke?

Mberaand 42:1 Referans Kwoze

A pi ake 7:12

Yaa Yakoob a nanna yee bele a jega Misira, a eeta o lul daan we in maaga.

Yosuwe 7:10

O Yaal oxe a laya a Yosuwe yee: «Ndi xar gungano a lanq neeke? Naagi daket!

Galati 2:7

A nga’a sax ee kaam doxnel Yegil mbaax ne, ndax um waare’in we nqucooxeerna yaam Roog, ta ref we ndefeerna Yaawuur, ne Piyeer fa xoox um a doxniteena o ten yaam we nqucooxna, ta ref Yaawuur we.

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

Yeremi 8:14

Xar taxu i moof a moof a ƥor? Mbokatooryo kañ, i ndet no teeru cegu saŋe ke, ndax i saŋkoor maaga! Yaam o Yaal oxe Roog in took o saŋik a in a jofu, a yernoor a in foofi laa jegna ndoxar, yaam i mbakaada no Yaal oxe.

Esdaraas 10:4

Inooxi, yaam refaa teen tig, too xan i ndamtong. Saƭakinooxi, fi tig.»

1 Maad we 19:3

Yaa Eliya a nanna kaaga, a inooxa a ƴuf, ndax ta mucil o ñis um. A fadiida Beer-Seeba no saax laa Yudaa, a xaƴ maaga surga fee ten.

A sutax ale 20:18

Xeet faa fop a nanooga ƭuuɗ ke fo a luuƥ ale njiboogna. A nga’ooga itam xa kiiñaand axe fo o joong ole suunoogna. Kaaga a tax’a xeet fee fop a sendaa, a mbod koƭu.

A sutax ale 5:19

We adooxanoogna calel ke no Ii-isra’el we a nga’a yee kaa toroxandoogel, a layeel ee: «Nu mbañkee dara na muul ake nuun. Ñaal oo ñaal fo calel um oo.»

Mberaand 42:2

Nanaam ee bele a jega no saax laa Misira. Ndetyo njikik maaga ñoowir ndax nqeex ne warkee a in.»

Mberaand 41:57

Wiin we kaa inooroogu muu refna na saax ake, a njikiidaa bele me Yoseef, yaam biim le kaa ɗom’atu tigi na saax ake fop.

Mberaand 41:54

soo xa kiid ɓetaa ƭaq biim axe a ngar ne Yoseef a layit’uuna. Biim a jeg’a na saax ake fop, ndaa kam saax le Misira o mat ñoowir ñak’ee maaga.