Mberaand 41:8 - NQAARIIT NE ROOG

⁸ No feet nqes olaa, a yiif ake Firawon fee a njaxasooxa, soo ta xoyin maɗag we fo yaal-o-and we Misira fop. A wetandooxa a den xa ƭaaɗ axe ten, ndaa o leng na den waag’iran o tekit xa ƭaaɗ axeene.

Mberaand 41:8 Referans Kwoze

Dañel 4:7

Ye wondooxuuma no njong es, ga’aam ndaxar naa naagna lawlaw ndeer ee ndeer lanq ke.

A sutax ale 7:22

Yaal-o-and we Misira a mbi’a leng kut ke Aaroon a fi’na. Firawon fee a ŋaja too nan-gilooxee a Moyiis fa Aaroon, ne o Yaal oxe a layit’uuna.

Mace 2:1

Yaa Yeesu a rimteena Betleheem no lanq kaa Yudee, a jopir Herood a refaa o maad, yaal-o-and a inoora no batand, a ngar Yeerusaleem, too a lay ee:

Dañel 4:5

Paktaand ke, Dañel fee ne’it’ateena a Beltasaar fee roog es too a may fo yiif le na Roog fa tedu fee a gara mbaambir es. Wetandooxaanum o ƭaaɗ ole mi ee:

Dañel 1:20

A mbanuu o maad oxe a laamit’ina a den no kuu ta waagna waag o ref, too ta laamit o and fo o jeg-yiif, ke da ndoonoogna a gartooga took boo a caf xarɓaxay xa toonanqol axe no maɗag we fo ɗeet we no maat um fop.

Esayi 29:14

Ten taxu xam maad o jaaxɗandtaa xeet fene comlaand. O jeg-yiif ole no jegu yiif we ten xan a mo mir, o and ole no yaal-o-and we ten a sooƴ.»

A sutax ale 7:11

Firawon fee o mat a xoyna ɗeet we fo ñaañango we Misira. Yaal-o-and weene koy, a mbi’a leng kut ke Aaroon a fi’na.

Dañel 4:19

wo o mat oo, wo daali maad fee refatna o maad o maak o cegu doole, o magnel of a lawna boo a cuqaa asamaan, ngelfa of a xay boo no cat adna.

Esayi 8:19

Xan nu nan ta layel ee: «Ƈufginooxyo xon we, nga’ir fo ɗeet we na nde’ooxaa soo a asooxaa.» Mee ndax xeet fee Roog um a waru o ƴufginoox! Xar taxu boog o ñoow a ƴufginooxaneel o qon?

A paɗax ale 19:31

Ba nu ƈufginoox xon we, too ba nu ndeer dara fo ɗeet we. Ba nu ƥaal a den, yaam ndik da nqoolaƭarand a nuun. Mi refu o Yaal oxe Roog nuun.

A sutax ale 8:7

Xan a paaɓ ake a ndiƈatooxong, a ndiƈatoox pind of, a ndiƈatoox dag of soo a sutoox saax of. Ake no xuluɓ ole rek na yoqkataa.»

Mberaand 40:8

A ndoonaan ee: «Kaa i ƭaaɗ, too o leng waagee o tektan a in xa ƭaaɗ axe.» Yoseef a laya a den ee: «Mee ndax Roog na tektaa o kiin o ƭaaɗ! Layaamo boog ke nu ƭaaɗna!»

Mberaand 40:6

Yoseef a gara me den no nqes naa a ɗeetiid a den, soo a ga ee kaa ngooy.

1 Korint 1:19

Ne a Pind a Tedu ke a layitna yee: «Xam mo’and o jeg-yiif ole no jegu yiif we, yaal-o-and we, um sañit o and den.»

A pi ake 17:18

Yaal-o-and waa mbog’ina na cang a ƭak a maak ake ne’eena Epikuriya fa Estoysan a njeetaayooga fo ten. Leng we kaa laamtoogu yee: «Ndi xar o wayoom olene a bugu lay?» Lakas we koy, a laya yee: «Kaa nandtaa oxaa na waare’aa roog kaa i andeerna.» Kaa layoogu keene, yaam kaa nanoogu Pool a waare’aa Yegil mbaax ne no kaa farna na Yeesu fo na qontax ale.

A pi ake 7:22

Naaga, Moyiis a yar’e no and ole no Miimisira we fop, too a jeg’a sañ-sañ na fa lay um fo na pi um.

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Dañel 8:27

Mi Dañel, jeg’aam ñaal leng-leng kaa neewuuma doole soo jir. Cinj kaaga, inooxaam soo jalanahinaa o maad oxe. Jaaxiɗ’aam lool no mbeeñil neene, too and’iim ke ta tekitna.»

Dañel 7:28

Meeke ke xewna a muukooru. Mi Dañel o mat, yiif es kaa jaq’u no keene boo um foorat a kid, ndaa geek’aanum taa kam es.»

Dañel 5:11

Kam maat ne wo, a jega o koor oxaa mayna fo yiif le na Roog fa tedu fee. Na jamaane faap of i nga’a no ten ee oxaa na ga’aa qoolu a refu, a ƴiƴ soo a jeg yiif laa nandna fo le Roog. Keene tax’u o maad Nebukadnesaar fee faap of a dalin’un kelfa no maɗag we fo ɗeet we fo fan we fo saltiki ke.

Esayi 19:3

Njambaar ne no Miimisira we xan a ɓut na den, too xam jaxasrand yuuƥ ke den. Maaga, xan da laamtaa pangool ke den xa as soo a nga’raa fo fan we fo ɗeet we fo we na ƈufginooxaa xon we.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

A paɗax ale 20:6

Boo o leng na nuun a gore’aƭarna took o ƴufginooxaa xon we mbaat ta reer tig fo ɗeet we, xam fes a cinj oxeene kiin, sutin xeet um.

A sutax ale 9:11

Maɗag we Misira mbaag’ee o njasnoor fa Moyiis yaam a ur ake. Den oo kaa ndaaw’u teen nen Miimisira lakas we fop.

Mberaand 41:7

Xa yaƥ xa kaayu xe a ƭuuda xa yaƥ xa mosu xe naangna tem. Maaga, Firawon fee a yokooxa, soo a ga ee kaa ɗaaɗoogu.

Mberaand 41:15

Firawon fee a laya a Yoseef ee: «Kaam ɗaaɗ, too o leng waagiraam o tektan o ƭaaɗ ole. Um yegnel koy ee waagaa o tekit o ƭaaɗ olaa wetandooxee’oona.»

1 Sami’el 6:2

Cinj kaaga, Fiifilista we a nqoya saasadax we fo maɗag we, a laamit a den ee: «Xar i mbi’kaa fo arka ne no Yaal oxe? Layyo a in ne i mbaruuna o yaxattik maa ta jegeena.»

Dañel 4:6

Wo Beltasaar fee kelfa’na maɗag we, andaam ee mayaa fo yiif le na Roog fa tedu fee too kunpa fa leng laqooxirang. Layaam boog ke o ƭaaɗ es oleeke a tekitna:

Dañel 4:18

saqit le ten a neep bo, xa tim um a naang gañ, a ñoownaa fop, muumeen-a-koƥ ke a yookooxaa teen, tiiƭ ke a ndutaa na naaq um,

Mberaand 41:24

Xa yaƥ xa kaayu xe a ƭuuda xa yaƥ xa mosu xe. Wetandooxaanum maɗag we, ndaa o leng na den waagiraam o lay ke keene a tekitna.»