Mberaand 41:46 - NQAARIIT NE ROOG

⁴⁶ Yoseef koy, xa kiid qarɓeen tadik a jeg’u ye ta retaa maa Firawon fee o maad Misira. A inoora me Firawon soo a wid saax le Misira fop.

Mberaand 41:46 Referans Kwoze

Dañel 1:19

O maad oxe a laya fa den, den fop, ndaa jeg’ee na den oxaa ƴiƴit’ina nen a Dañel fa Hananiya fa Misa’el fa Asariya. Ten taxu o maad oxe a xota a den, da njalanan.

1 Maad we 12:6

O maad Rehabewam a laamta maak waa asoogna a faap um Salomo, ye ta ñoowaa. A laya a den ee: «Xar nu askaxam kaa doonuuma xeet fene?»

2 Sami’el 5:4

Dawid a jeg’a xa kiid qarɓeen tadik, ye ta sogna o refaa o maad, soo a maadoox xa kiid qarɓeen nahik.

1 Sami’el 16:21

Ye Dawid a fadiidna me Sawul, a refa no jalanan. Oxeene a fex’aan a paax soo a fi’in o saasaq ƥonax um.

A lim ale 4:3

nqotit no we njegna xa kiid qarɓeen tadik a jof took boo no we njegna xa kiid qarɓeen ƥetik. Ndetkee na xire, ndaa fat a mbadnaa o far den kam Ƭiif ne um xetteel, mi o Yaal oxe.

Mberaand 37:2

Keeke ndefu a kon ake na xa ƥiy axe Yakoob. Ye Yoseef a jegna xa kiid xarɓaxay fo xa kiid ɓetaa ƭaq a gayooga fo fog faap we ten. A deƥandoonga fo xa ƥiy axe Bilha fo xa ƥiy axe Silpa ndeeƭna rew faap um. Yoseef kaa wetandooxoogu a faap den paaxeer ke da mbi’oogna.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

YEGIL MBAAX NE YEESU ne Lik a bindtuuna 3:23

Yeesu a jeg’a ngap xa kiid qarɓeen tadik, soo a sogkaa o waare’aa. Kaa nand’u wiin we yee Yeesu refu o ƥiy Yoseef, Yoseef a ref o ƥiy Eeli, Eeli a ref o ƥiy Matat,

Xa peƭit axe 22:29

Muu ga’oona oxaa waane’na no ke ta jalaa, o mboƭomsogor jalnoorkiran, ndaa o maad oxe.

1 Maad we 12:8

Kaa koy, o maad oxe a yapatila o as ole maak we a coox’uuna soo a laamtik xa pes xa kend um axe ndeeƭna fo ten too a yaroox fo ten.

Mberaand 41:47

Na xa kiid ɓetaa ƭaq xa paax axe we no saax le a njala tigi.

Mberaand 42:8

Yoseef a andda fog faap we ten, ndaa den o mat anddiran.

Mberaand 45:6

Nga’angyo, xa kiid xa ƭaq axey axaa biim a refna no saax le, too a yoqahina xa kiid xa ƥetaq axaa andoona yee a qooq jegkee, ne’atiim a saxad.

Dañel 1:4

Mbes keene koy, sik fa leng war’ee ref no cer den, da mos, a njeg yiif, a ƈiƴ, a mbel a qoox, a mbaag o njal no mbind no maad ne, soo da njangnikel lak fee fo a pindooƭ ale no Kaakalde we.