Mberaand 41:45 - NQAARIIT NE ROOG

⁴⁵ Firawon fee a ne’a a Yoseef Safenat-Pane’ah, soo a ci’in a Asnat fee o ƥiy o ndew Potifera. Potifera feene reeƭu o saasadax na teeru faa On. No kaa xotitna maaga, Yoseef a waagata o ret muu refna kam Misira.

Mberaand 41:45 Referans Kwoze

Mberaand 46:20

Yoseef a rimta fa Asnat kam Misira a Manaase fa Efrayim. Asnat koy o ƥiy Potifera fee reeƭna o saasadax na teeru faa On a reeƭu.

Heseki’el 30:17

Mbes ke Oon fo we Pii-Beset xan a mbartel laƥ, rew we a ƥisel gilaa saax took o hup doole.

A sutax ale 2:16

A jeg’a koy no saax laaga o saasadax oxaa jeg’ina xa ƥiy xa tew ɓetaa ƭaq. Xa ƥiy axeene a ƈeewiida palka ke, ndax da yerin ged le faap den.

A pi ake 11:28

O leng na den oxaa ne’eena Agabus a inooxa, a yegnit na pexey Yiif Tedu le yee xan a jeg biim maak kam adna fee fop. (Biim leene a jeg’a na jamaane faa Kolood a refna Kesaar fee.)

YEGIL MBAAX NE YEESU ne Lik a bindtuuna 2:1

Na jamaane faaga, Kesaar fee ne’’eena Ogist a hebla yee fat we mbogna no maat um fop a mbindook.

2 Sami’el 20:26

soo Ira fee gen’ina Ya’iir a fog’a itam no kelfa ke Dawid.

2 Sami’el 8:18

Benaya fee o ƥiy Yehoyada a adooxan Keekeret we fo Peepelet we yetooxoogna o maad oxe, soo xa ƥiy axe Dawid a kelfa weene fop.

Mberaand 14:18

Melkisedek fee o maad Saleem a ɓisiidaan puuru fa biiñ. Ten koy kaa reeƭu o saasadax Roog fee Took-ee-took.

Mberaand 41:50

Ye o hiid o feraand ole no biim le a garna koy, yaaga Yoseef a jeg’a xa ƥiy xa koor xa ƭaq fa Asnat fee o ƥiy o ndew Potifera refna o saasadax On.

Yeremi 43:13

Xan a gef a toodook a ƥil a tedlande ke Bet-Semes no saax le Misira, a dox pind roog ke Misira.»

Dañel 1:7

Oxe kelfa’’ina cawdiin ke a ne’a a den a kon a kaakalde. A ferana a Dañel Beltasaar, Hananiya ta feranin Sadrak, Misa’el ta feranin Mesak, soo Asariya ta feranin Abed-Nego.