Mberaand 41:42 - NQAARIIT NE ROOG

⁴² A wolta o heɗ o ñaasir no ɓay um, a rokanin a Yoseef no ɓay. A rokanaan ndoki njoor soo a humanin ceq wurus no cok um.

Mberaand 41:42 Referans Kwoze

Dañel 5:29

Ndak fo ndak, Baltasaar a heblita Dañel a rokanel ndoki daalde mosu, a hiɓanel ceq wurus no cok um, soo ta yegnitel ee Dañel a refata o tadkandeer oxe doonna o ɓay no maat ne.

Dañel 5:7

A falalooxa fa doole ndax ta ɓisiidel ɗeet we, ñaañango we fo maɗag we kam Babilon fop, too a laya yaal-o-and weene yee: «Oxuu janganaxama bind lene soo a tektanaam o ten xan a rokel ndoki daalde mosu, a hiɓanel ceq wurus no cok um soo a refat o tadkandeer oxe doonna o ɓay no maat ne.»

Esteer 3:10

O maad oxe a wola o heɗ o ñaasir ole no nqol um, a cooxin o pañ oxe no Yaawuur we, refna Haamaan fee o ƥiy Hamedata too a ref o ndaan Agag,

Dañel 5:16

Wo o mat, nanaam ee waagaa tekit xa ƭaaɗ soo xooldand ke wegna xoox. Ndiiki koy, boo waagoona o jang bind lene soo tektanaam o ten, xan o rokel ndoki daalde mosu, hiɓanel ceq wurus no cok of soo refat o tadkandeer oxe doonna o ɓay no maat ne.»

Esteer 8:2

Maaga, o maad oxe a janga o heɗ o ñaasir ole ta jaɓit’ina na Haamaan, a cooxin a Mordokay, soo Esteer oo a doon o jeg ole Haamaan na xa ƥay Mordokay.

Esteer 8:15

Mordokay a inoora maa no maad oxaa, a rokoox ndoki no maad naa xiiyiiyna, kene a ranig fo o ndip wurus o maak fo sabadoor njoor naa daalde’na. Muu refna kam teeru faa Suusaan xa ƈeel fo xa soroxole kaa njiboogu.

Esteer 8:10

Xa leetar axe kaa mbind’el no gon no maad Asuwerus a mbegtel o ñaasir ole ten. Waa luleena a ŋaay pis ñofaan kaa muk, ngat’ina no kud ke no mbind no maad ne, a ƥisa a den.

Heseki’el 27:7

A maaw ake wo kaa ndeeƭu paƴ ke Misira, a ngemeñel soo a ndef paƴ of. Haŋik fa nqiiyiiy fo haŋik fa yeeq fee na pimb ake Elisa ndeeƭu ƭiif ke wo.

A kim ale na kim ake 1:10

Xa ƭek axe wo kaa mos bo ndeer xa libidoor axe, o cok of a xen a ndeer ceq ke.

Xa peƭit axe 31:24

Oxeene tew kaa riwaa xa porok soo a jikoox a den, jula we, ta coox a den xa kumnoor.

Xa peƭit axe 31:22

Kaa fi’anaa a xoox um kulooxel, a rokooxaa tikoorik pi’te gaare fo kaa yaxigna coy.

Esteer 8:8

Kaa koy, nu anda yee kuu bindeena no gon no maad soo a wegtel o ñaasir ole ten waagataand o sañit. Ndiiki daal, mbindyo no gon es kaa nu nqalaatna yee ten moƴu o faax no Yaawuur we, soo mbegtin o ñaasir ole mi.»

Esteer 3:12

No ñaal xarɓaxay fo ñaal ndadkandeer ne no nqool o eetaand onqe, biibind we no maad oxe a nqoye. A mbinda xa leetar we ndefanna o maad oxe fo gofornoor ke na xa cegel axe fo we adooxanna qeet pogreer ke fop ne Haamaan a heblit’uuna. Kaa mbind’el na pindooƭ o jegel oluu refna no maat ne, xeet fuu refna no ɗelem um. Kaa mbind’el no gon no maad Asuwerus soo a mbegtel o ñaasir ole ten.

YEGIL MBAAX NE YEESU ne Lik a bindtuuna 15:22

Kaa koy, faap fee a laya faɗ we ten ee: ‹Ñofyo ƥisiid sabadoor ne moƴna o mos, too ndokanin o ten. Ndokaneenoo o heɗ fo xa ñaaƭ itam.

Xa peƭit axe 1:9

Xan da nand nen o ndip o mosu took xoox of, nen ceq no cok of.

Esteer 10:3

A refangeerna o maad Asuwerus, jeg’ee kam maat ne oxaa hupna a Mordokay, o Yaawuur oxe. Yaawuur we fog um a niw’aan lool too a mbexin, yaam kaa waaƭoogu kaa faaxna na xeet um, soo a layanaa fog um kaa na jootinkaa a den o feet.

Mberaand 38:18

A laamta o tew oxe yee: «Ngaasnit num um cooxkang?» A doonaan ee: «O heɗ o ñaasir ole wo fo o ƥaak um fo o loq ole wo saqoona no ɓay of.» A cooxaan a den, soo a yoon fo ten. Maaga, o tew oxe a inoora o fud.

Mberaand 41:43

A ŋaaynaan na sareet a ƭikandeer ale ten, reefoogna a cinj um, soo da mbalalooxaa mbaambir um ee: «Abrek!» Neene Firawon fee a cooxtun sañ-sañ took saax le Misira.

1 Sami’el 18:4

Yoonatan a wola o forok ole ta rokoox’ina fo sabadoor um boo no laƥ ne fo a qali le fo o kumnoor ole, a ci a den a Dawid.

A kim a tedu ke 73:6

Ten taxu a magnandax a mbi’u ceen o cok, a ƭom-yedar a ref ndobin naa da ndokooxaa.

A kim ale na kim ake 4:9

O cigeen es, o toog es, kaa o ɗofnooraxam. Kaam ee kaa o ɗofnooraxam, yaa ɗeettaxamoona o ngid-o-nqoloos, fo o ƥaak o yuuɓir o leng kut no ceq ke wo.

Yeremi 52:33

A suptanaan toki kaso ke ten, soo Yoyakin a fogataa fo ten o roon kili, no ñoow o ñis um fop.

Esayi 3:23

fo xa ƭeendoor axe fo toki yelefu ke fo tañalax ke fo a muxul a yelefu ke.