Mberaand 41:41 - NQAARIIT NE ROOG

⁴¹ Firawon fee a laya a Yoseef ee: «Ga’i, ci’aaxoong sañ-sañ took saax le Misira fop.»

Mberaand 41:41 Referans Kwoze

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Dañel 6:3

A doda daduk waa kelfa’na weene ndefanuuna. Dañel o leng no daduk weene a reeƭu, too we ndefanna o maad oxe a mbar’a o andnooraa a den a ñaaƈnooƭ den fop, ndax o leng ñaamkee o maad oxe.

Mberaand 42:6

Yoseef kelfa a reeƭu kam saax laa. We no saax laa fop ten jikooxoogu a den bele. Fog faap we ten a ngara, a ngung a lanq mbaambir Yoseef.

Xa peƭit axe 22:29

Muu ga’oona oxaa waane’na no ke ta jalaa, o mboƭomsogor jalnoorkiran, ndaa o maad oxe.

Xa peƭit axe 17:2

Surga fa njegu yiif kaa kelfa’aa o ƥiy o ngoor onqe na gaci’nooraa too xan a jeg a las no lam ne na xa ƥiy axe.

Esteer 10:3

A refangeerna o maad Asuwerus, jeg’ee kam maat ne oxaa hupna a Mordokay, o Yaawuur oxe. Yaawuur we fog um a niw’aan lool too a mbexin, yaam kaa waaƭoogu kaa faaxna na xeet um, soo a layanaa fog um kaa na jootinkaa a den o feet.

Mberaand 41:44

Firawon fee a layahina a Yoseef ee: «Mi refu Firawon fee! Kam saax le Misira boo saax le Misira a xet o leng yoɗkee teen o ɓay mbaat a caf a refangeerna wo ci’un o ten.»

Mberaand 39:22

O aa-adax oxe na kaso fee a doxna a Yoseef lakas waa mbeg’eena fop, too ten topatooxoogatu fop.

Mberaand 39:5

No kaa xotitna yaa Potifaar a dalnuuna no mbind um, a doxnin o jeg um fop, o Yaal oxe a barke’a mbind Potifaar yaam Yoseef. Barke fee no Yaal oxe a reeƭa no fop ke Potifaar a jegna, ta ref no mbind ne, ta ref na xa qol axe.

A pi ake 7:10

a muclan no coono ke ten fop. A ci’aan itam o and fo yiif mbaambir Firawon fee o maad Misira. Oxeene o mat dod’un ta adooxan saax laa Misira fo mbind um fop.

A kim a tedu ke 105:21

A dodaan, ta adooxan maat um, a hame saax le Misira fop,

O baawaare xe 4:14

yaam ta sutoor kaso sax mbaat ta rimtel ndool a waaga moof boo a ref o maad.

Mberaand 45:8

Refee boog ee nuun ƥisiidaxam mene, ndaa Roog fa xoox um sax oo. A dalnaxam um refat ‹faap› Firawon fee, kelfa no mbind um fop fo gofornoor no saax le Misira fop.

Dañel 2:48

Cinj kaaga, o maad oxe a fi’a a Dañel a kag a maak, soo a cooxin ci’it mayu cegu o njiriiñ. A dodaan jaraaf fee no jegel ole Babilon fo kelfa no yaal-o-and we Babilon fop.