Mberaand 41:40 - NQAARIIT NE ROOG

⁴⁰ Wo o mat na adooxankaa mbind es, too xeet es fop no kebil of a mbugko ñaaƴaa. Uum-maamaad le doŋ na garitkang took.»

Mberaand 41:40 Referans Kwoze

A pi ake 7:10

a muclan no coono ke ten fop. A ci’aan itam o and fo yiif mbaambir Firawon fee o maad Misira. Oxeene o mat dod’un ta adooxan saax laa Misira fo mbind um fop.

Xa peƭit axe 22:29

Muu ga’oona oxaa waane’na no ke ta jalaa, o mboƭomsogor jalnoorkiran, ndaa o maad oxe.

Dañel 5:29

Ndak fo ndak, Baltasaar a heblita Dañel a rokanel ndoki daalde mosu, a hiɓanel ceq wurus no cok um, soo ta yegnitel ee Dañel a refata o tadkandeer oxe doonna o ɓay no maat ne.

A kim a tedu ke 2:12

Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.

Dañel 6:3

A doda daduk waa kelfa’na weene ndefanuuna. Dañel o leng no daduk weene a reeƭu, too we ndefanna o maad oxe a mbar’a o andnooraa a den a ñaaƈnooƭ den fop, ndax o leng ñaamkee o maad oxe.

Mberaand 45:26

A layaan ee: «Yoseef oxe maad o ñoowaa, too sax ten refu gofornoor no saax laa Misira fop.» Kaa koy, kaaga yo’in’ee a Yakoob, yaam gim’ee ke da layoogna.

Ke bindeena no xe ne’eena YOB 31:27

xeeñ es a fogooge na pet, boo um jataa na den?

1 Sami’el 10:1

Maaga, Sami’el a janga o moon diwliin, a juurin took xoox le Sawul. A farakooxaan, a layin ee: «O Yaal oxe fa xoox um ɗuumong, ndax o kelfa xeet fee ta jegoodna.

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

Mberaand 44:18

Maaga, Yudaa a matiidaan, a layin ee: «Ngela yirmaam o yaal es! Ci’aam rek mi fee o tag of um lay fa wo too baa fuux of a biltooxanaam yaam kaa o nand fa Firawon fee!

Esteer 3:1

Yaa kaaga a faafna, o maad Asuwerus a yoɗa a Haamaan fee o ƥiy Hamedata too a ref o ndaan Agag, a fi’in ta adooxan kelfa ke no maat um fop.

Esteer 10:3

A refangeerna o maad Asuwerus, jeg’ee kam maat ne oxaa hupna a Mordokay, o Yaawuur oxe. Yaawuur we fog um a niw’aan lool too a mbexin, yaam kaa waaƭoogu kaa faaxna na xeet um, soo a layanaa fog um kaa na jootinkaa a den o feet.