Mberaand 41:32 - NQAARIIT NE ROOG

³² O nanangaa Firawon fee a ɗaaɗin boo a caf a ƭak, tige kaa ref kaa Roog a geenooxna no fi’in, too xan a fadnin ndiiki.

Mberaand 41:32 Referans Kwoze

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

2 Korint 13:1

Kaam ee: Xam dadkandiid o jaf es me nuun. A Pind a Tedu ke a laya yee: «Kuu ɗik mbaat daduk a seede’na, xan a xen.»

Mace 24:35

Xan asamaan fo lanq a mbaaf, ndaa fa lay es faafkee boo muk.»

Mbeeñil 9:15

Maaga, malaaka nahik ke njagandan’eena waxtu feene fa bes feene fo o nqool onqeene fo o hiid oleene a mbokte, ndax da saŋik a qaaj a tadkandeer ale no wiin we.

1 Korint 2:9

No kaa farna no jeg-yiif oleene koy, a Pind a Tedu ke a laya yee: «Kaa ref kaa a ngid a ga’eerna, nof ɗaaɗiran, too yiif no kiin gomiran. Kaa ref kaa Roog a roxanna we mbexuuna.»

Mark 10:40

Kaa koy, no ke farna no moof na ñamaak es mbaat na janoon es, kaaga hapooxee na mi, ndaa we Roog a jagandanuuna, xan a ndaawin.»

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Mace 25:34

Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,

Esayi 30:33

Tofet a jagande yaaga. O maad oxe a jagandane itam. Kaa yaaj soo a xooɗ, soo xa saangaan ee gañ teen fo xa cuuƭ xa pagkatar. O Yaal oxe xan a damnitin haaƭ um nen a ƈufnand fiɗel.

Mberaand 37:9

A ɗaaɗahina o ƭaaɗ o lakas, a wetandooxin fog faap we ten ee: «Kaam ɗaaɗahin ga njeeƈ ne fo o nqool onqe fo xa qoor xarɓaxay fo o xoor o leng a ngungaa mbaambir es.»

Mberaand 37:7

«Nan-gilooxyo ke ɗaaɗuuma. Kaam ɗaaɗ i ndet no qol, ngumaa a kusax. Maaga, gusax le mi a inooxa, a geenoox, soo a kusax ake nuun a ndeerin, a ngungaa mbaambir um.»

Mberaand 41:25

Yoseef a laya a Firawon fee yee: «Xa ƭaaɗ axe Firawon fee leng kut a ndefu, a tekit tig leng ke itam. Roog kaa lalaa a Firawon fee ke ta fi’kaa.

Mberaand 41:28

Neene boog, ne laytanuuma, Roog kaa lalaa a Firawon fee ke ta fi’kaa.

Mberaand 41:31

Cinj kaaga, dara waagkataand o wetandoox no naat ole reeƭna kam saax le yaam biim le xan a ɗom tigi.

Dañel 2:45

ne ga’toona ɓil a waasloortiid no joong ole, too o ɓay no kiin duqiran, soo a duguñ njelem ne fa xanjar fee fo ƭok ke fa xaaliis fee fa wurus fee. Daali maad, Roog fa maak fee a andnooraang ke na xewkaa taa mbaambir. Keene deŋ ɗaaɗo, too a tekit ale layoonga a jare o ɓekit yiif.»