Mberaand 41:30 - NQAARIIT NE ROOG

³⁰ Xa kiid ɓetaa ƭaq biim na ndoonooxkaa teen, too xan o naat oleene fop a weecel kam saax le Misira, yaam xan biim le a gef saax le.

Mberaand 41:30 Referans Kwoze

Mberaand 47:13

Ñaamel leng njeg’atee kam saax le boo saax le a xet, yaam biim le kaa ɗom’atu. We no saax le Misira fo we no saax le Kanaan kaa saŋkooxoogatu yaam biim le.

Mberaand 41:54

soo xa kiid ɓetaa ƭaq biim axe a ngar ne Yoseef a layit’uuna. Biim a jeg’a na saax ake fop, ndaa kam saax le Misira o mat ñoowir ñak’ee maaga.

Saak 5:17

Mbetandooxyo a Eliya! Eliya, o kiin o nandu nen a in a reeƭu. A xeɗ’a a Roog fo xeeñ um fop, ndax deɓkee. Kaa hatna na bes faaga boo xa kiid xa tadaq fa genwal, a teƥ jeg’atee no lanq ke.

A kim a tedu ke 105:16

Ye ta ɓisiidkaa biim no saax le, a fi ñaamel ke a mbag tak,

YEGIL MBAAX NE YEESU ne Lik a bindtuuna 4:25

No ndigil, mexe layahinan a nuun ee: A jeg’a ñaaw mayu Isra’el na jamaane Eliya, yaa a teƥ a jeg’eerna boo xa kiid xa tadaq fa genwal, too biim maak a jega no saax laaga fop.

Esayi 65:16

Oxuu bugna o barke’el kam saax le, xan a xeɗin no gon Roog fa ndigil fee. Oxe na bugkaa o daaɓoox itam, xan a fi’in no gon Roog fa ndigil fee, yaam taamaala ke mbaafna xan a mbeectel, a mo mir na kid es.»

Xa peƭit axe 31:7

Bo ta yeraa xan a weecit o ñaat ole ten, too wetandooxkatee coono ke ten.

2 Maad we 8:1

Eliise kaa lay’u o tew oxe ta xontooxnoor’ina o ƥeem ee: «Inooxi mene, wo fo ƥasil of, nu ndet muu nu andna, yaam o Yaal oxe xe gartaa kam saax le biim laa na refkaa meen boo xa kiid ɓetaa ƭaq.»

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

2 Sami’el 24:13

Gaad a reta maa Dawid, a layin kene: «Xar moƴanong, xa kiid xa tadaq biim a njeg kam saax of ndi fañ of a ndaxang boo a qool a tadak, o ƴufaa a den ndi ta jeg piste kam saax of boo ñaal tadik? Ndiiki koy, xalaati a paax too o layaam ke um doonkaa oxe luliidaxama.»

Mberaand 41:56

Biim le a roka kam saax le fop. Yoseef a weta tap ke ten, soo a jikooxaa Miimisira we bele. Biim le kaa moƴ’u moƴ o ɗomaa kam saax le Misira.

Mberaand 41:51

Yoseef a ne’a taaw fee ten Manaase yaam ee Roog a weecnooraxam coono ke mi fop fo mbind faap es fop.

Mberaand 41:27

Naak ɓetuu ƭik ke mbodna a cinj eetaand ke kaa ndef xa kiid ɓetaa ƭaq, xa yaƥ ɓetaa ƭaq axe saqeerna tus, nqeñ ne no batand a gaayinna, xan a ndef xa kiid ɓetaa ƭaq biim.

Mberaand 41:21

A ƭuuda a den, too o ga’angaa a den ee ñaamee tus, ta nand ee kaa da moƴ o ŋak nen eetaand. Cinj kaaga, yokooxaam.

Mberaand 41:31

Cinj kaaga, dara waagkataand o wetandoox no naat ole reeƭna kam saax le yaam biim le xan a ɗom tigi.