Mberaand 41:25 - NQAARIIT NE ROOG

²⁵ Yoseef a laya a Firawon fee yee: «Xa ƭaaɗ axe Firawon fee leng kut a ndefu, a tekit tig leng ke itam. Roog kaa lalaa a Firawon fee ke ta fi’kaa.

Mberaand 41:25 Referans Kwoze

Dañel 2:45

ne ga’toona ɓil a waasloortiid no joong ole, too o ɓay no kiin duqiran, soo a duguñ njelem ne fa xanjar fee fo ƭok ke fa xaaliis fee fa wurus fee. Daali maad, Roog fa maak fee a andnooraang ke na xewkaa taa mbaambir. Keene deŋ ɗaaɗo, too a tekit ale layoonga a jare o ɓekit yiif.»

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

Mark 13:23

Mbootooxyo boog, yegnaam a nuun fop yaaga fadiidafulee.»

Mace 24:40

A koom, goor ɗik we na ndefkaa no qol, xan o leng oxe a jangel, o lakas oxe a xaƴel.

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Dañel 2:47

Cinj kaaga, a laya a Dañel ee: «No ndigil Roog fee nuun hupu roog ke fop too ten kelfa’u maad we fop. Andaam ee ten soom na feeñlaa kunpa ke, feek tektanaxamo kunpa fene.»

Esayi 43:9

Fat a saax ake fop a mbokatoor, qeet ke a njuqoor. Ndi fum no roog ke yegnitu keene, too a andnoor a in ke xew’ina yaaga? Fat a mbaaƭ seede den too a lalit ee den ƥuru. Neene, xan lakas we a nan-giloox a den soo a mboorin ee: «Ndigil kak oo.»

A kim a tedu ke 98:2

O Yaal oxe a andnoora a muc um, a feeñil qeet ke o cofel um.

Yosuwe 11:6

O Yaal oxe a laya a Yosuwe yee: «Ba o saɗar a den, yaam xam ɓoxot a den na xa ƥay no Ii-isra’el we, too boo waxtu feeke feet a fadaa, xan a soƥ da nqon den fop. Fat nu ƭeg xa tod axe no pis ke den soo ndox a sareet-xire ke.»

Mberaand 41:16

Yoseef a doona a Firawon fee yee: «Refee yee mi ndaa Roog fa xoox um na cooxkang a tekit ale jofooxoonga.»

A sutax ale 9:14

yaam no jaf leeke, nuu taamaala a nandna, xan a dalong, wo fo dag of fa xeet of, ndax o and ee took lanq ke fop o leng fodee fa mi.

Mberaand 41:26

Naak ɓetuu ƭik kiñu ke, xa kiid ɓetaa ƭaq oo, xa yaƥ ɓetaa ƭaq xa mosu xe, a ndef xa kiid ɓetaa ƭaq. O ƭaaɗ o leng kut ole yoo rek.

Mberaand 41:28

Neene boog, ne laytanuuma, Roog kaa lalaa a Firawon fee ke ta fi’kaa.

Mberaand 41:32

O nanangaa Firawon fee a ɗaaɗin boo a caf a ƭak, tige kaa ref kaa Roog a geenooxna no fi’in, too xan a fadnin ndiiki.

Mberaand 40:8

A ndoonaan ee: «Kaa i ƭaaɗ, too o leng waagee o tektan a in xa ƭaaɗ axe.» Yoseef a laya a den ee: «Mee ndax Roog na tektaa o kiin o ƭaaɗ! Layaamo boog ke nu ƭaaɗna!»