Mberaand 41:14 - NQAARIIT NE ROOG

¹⁴ Firawon fee a xoyna a Yoseef. Yoseef a ñofe o sut kaso faa, a ruusel, a rokanel toki, soo a ɓisiidel me Firawon fee.

Mberaand 41:14 Referans Kwoze

Dañel 2:25

Aryok a ñofa ɓis a Dañel maa no maad oxaa soo a layin ee: «Daali maad, a ndeer no we ɓistiidoona Yudaa, ga’aam teen o koor oxaa waagoonga o tektan o ƭaaɗ ole wo.»

2 Maad we 25:29

A suptanaan toki kaso ke ten, soo Yoyakin a fogataa fo ten o roon kili no ñoow o ñis um fop.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Esteer 5:1

No ñaal ndadkandeer ne no koor ne, Esteer a rokooxa toki no maad ke ten soo a ret no maax-kam olaa no mbind no maad ne, a jasnoor fo a ndok ale no uum le. O maad oxe kaa moof’u no uum-maamaad le ten, a jasnoor fo ndokand ne.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

A sutax ale 10:16

Ndak fo ndak, Firawon fee a xoyna a Moyiis fa Aaroon, a lay a den ee: «Tooñaam o Yaal oxe Roog nuun, tooñ a nuun.

2 Sami’el 19:24

O maad oxe a laya a Simey ee: «Warkaandee.» A woornitaan o ten a taaƥ.

O baawaare xe 4:14

yaam ta sutoor kaso sax mbaat ta rimtel ndool a waaga moof boo a ref o maad.