Mberaand 40:19 - NQAARIIT NE ROOG

¹⁹ Ndeer mene fo ñaal tadik xan Firawon fee a rokong o ƥaak, a lokong no ndaxar, too xan tiiƭ ke a ngar a ñaamaa cer of.»

Mberaand 40:19 Referans Kwoze

Mberaand 40:22

O lakas oxe mat, a roknaan o ƥaak no cok, ta lokel no ndaxar, ne Yoseef a tektit’uuna a den.

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

Heseki’el 39:4

Xan o yen took xa coong axe Isra’el, wo fo a yaj no xiixire of fop fo qeet ke yoonna fa wo fop. Xam ɓoxot o dal of ta refik ñaamel a tud ake fo kuu na yetaa fo ƥaaɓaan ke na koƥ ale.

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

2 Sami’el 21:10

Rispa fee o ƥiy Aya a janga o saaku, a ɗaapin took ɓil laa, a wondooxaa teen, a ref maaga no kaa xotitna na saxad a peraand alaa boo neen Roog a deɓu took den. A ñaalangaa, kaa fañtoogu tiiƭ ke da ndong took xa tal axe, soo a yengangaa, ta raxaa ƥaaɓaan ke, ndax nduqkee a den.

2 Sami’el 21:6

Fat i ƥoxotel boog goor ɓetuu ɗik na xa taan um, ndax i ndibnoor a den mbaambir no Yaal oxe maaga Gibe’a me Sawul fee o Yaal oxe a jil’ina a gen’ina.» O maad oxe a laya yee: «Xam ɓoxot a den a nuun.»

1 Sami’el 17:46

Xaye o Yaal oxe a ɓoxotong ndeer xa ƥay es, xam warong soo ɗeg xoox of, deɓan tiiƭ ke fo ƥaaɓaan ke xa tal axe no Fiifilista we fop. Neene, xan qeet ke fop a and ee Isra’el a jega a Roog,

1 Sami’el 17:44

soo a doon teen ee: «Gariidi mene, bo um deɓan tiiƭ ke fo ƥaaɓaan ke cer of.»

Yosuwe 10:26

Cinj kaaga, Yosuwe a wara maad ɓetuk waa, a lok a den no taxar ƥetik boo no kirand naa.

Yosuwe 8:29

O maad oxe Ay koy, a ndokaan o ƥaak no cok, a lokin no ndaxar, soo ta yoq maaga boo no kirand naa. Farna fo njeeƈ mudu naa Yosuwe a hebla, ndax o dal ole a fudnel. A mbudnaan, a ndeɓin paam ndokand ne na teeru faa, a njuum took um a kac a mayu, too juum laaga xaa maadaa maaga boo xaye.

Mberaand 41:13

Fop koy a jegit’a ne ta tektit’uuna a in: Firawon fee a nomtaxam no far es, soo a humnoor oxaana o ƥaak no cok, ta lokel no ndaxar.»

Mberaand 40:17

Kam a cenjel ale falakna took koy, a jeg’a xa qos xa mayu xaa njuɗaneena a Firawon fee. Tiiƭ ke a ngara, a ñaamaa ke refna na cenjel ale falakna took xoox es.»

Mberaand 40:13

Ndeer mene fo ñaal tadik, xan Firawon fee a xotatinong no calel of. Xan o cooxahin a Firawon fee a tokol ale no ɓay um, ne fi’tooganoona yaaga.

Mberaand 40:18

Maaga, Yoseef a doonaan ee: «Keeke o ƭaaɗ ole wo a tektu: A cenjel a tadak ake ñaal tadik oo.

Mberaand 40:20

No ñaal ndadkandeer naa, a jopir Firawon fee a roofandaa bes fee no rimel um, a fi’ana jaajal we ten fop a put, a xoyin oxe topatooxoogna a yer ale fo xe juɗoogna puuru ke mbaambir dag we ten.