Mberaand 40:1 - NQAARIIT NE ROOG

¹ Yaa kaaga a faafna, bes oxe topatooxoogna a yer ale no maad oxe Misira fo xe juɗanoogna o maad oxe puuru, a tooña o maad oxe o yaal den.

Mberaand 40:1 Referans Kwoze

Mberaand 40:13

Ndeer mene fo ñaal tadik, xan Firawon fee a xotatinong no calel of. Xan o cooxahin a Firawon fee a tokol ale no ɓay um, ne fi’tooganoona yaaga.

Esteer 6:1

No yeng olaaga, ne o maad oxe a ɗaanar’aandeena dara, a simta o ɓisiidel safe le na laytaa caloori ke no maat ne, ndax ta janganeel o ten.

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

Mberaand 40:2

Firawon fee o maad Misira a fuuxan’a ƭomu oxe topatooxoogna a yer ale ten fo xe juɗanooguuna puuru,

Mberaand 40:5

No yeng o leng, oxe topatooxoogna a yer ale no maad oxe fo xe juɗanooguuna puuru too a mbeg’el na kaso faa a ƭaaɗa den ɗik fop. Oxuu refna na den koy fogir’ee fo o kend um o ƭaaɗ.

Mberaand 40:11

A tokol ale Firawon fee koy no ɓay es a reeƭu. Ɗataam xa biiñ axe, nol a den kam a tokol ale soo cooxin a Firawon fee no ɓay um.»

Mberaand 40:16

Ye oxe juɗoogna puuru ke a ga’na yee a tekit ale Yoseef a fela no nof lool, a laya yee: «Mi de, kaam ɗaaɗ o roxondoox a cenjel a tadak puuru.

Mberaand 41:9

Maaga, oxe topatooxoogna a yer ale no maad oxe a laya a Firawon fee yee: «Daali maad o yaal es, xam wetandooxong xaye tooñ ne mi faafna.