Mberaand 4:8 - NQAARIIT NE ROOG

⁸ Kayin a laya a Abel fee o ndeɓ um ee: «Aca i ndet no qol!» Ye da ndefna no qol ole, Kayin a songa a Abel fee o ndeɓ um soo a warin.

Mberaand 4:8 Referans Kwoze

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

Mace 23:35

No ndigil, mexe layaa a nuun ee: Xan fo’oy le no jofu we ɓaxooxna a lanq fop a yen took wiin we ndiiki. No fo’oy laa Abel o cofu xe a xotitkaa, boo no fo’oy laa no ƥiy Barakiya ne’eena Sakari, too nu mbarit’un a ndeer Mbind Roog naa fo o sadaxand olaa.»

YEGIL MBAAX NE YEESU ne Lik a bindtuuna 11:51

no kaa xotitna na Abel boo no fo’oy laa Sakari fee warit’eena a ndeer Mbind Roog naa fo o sadaxand olaa. Iyo, mexe layaa a nuun ee: Xan a laacel wiin we ndiiki.

Mise 7:6

yaam o ƥiy o ngoor onqe kaa xeefaa a faap um, o ƥiy o ndew onqe a siiknoor fa ya um, o tew o tolooxiidu xe a inooxan o seemir um o tew, soo fañ no kiin a ndef wiin mbind um.

2 Sami’el 14:6

Mi fee o ceefeer of kaam jeg’u xa ƥiy xa ƭaq, da ndet na koƥ, a ndaawir maaga boo o leng oxe a war o lakas oxe, yaam jeg’ee o leng oxaa xafna a den.

Nehemi 6:2

Maaga, Sanbalat fa Geesem a lultiidaxam ee: «Gari, ndax i nga’ir kam Kefirim, na yulanq alaa Ono.» Kaa nqalaatoogu o mbi’aam paaxeer.

2 Sami’el 3:27

Ye Abineer a nomtooxiidna Hebron, Yowab a xoyaan da sayoox no don-maax ole na teeru fee, a fi nen oxaa bugna o waxtaan fo ten na pet. Maaga Yowab a dibtu a Abineer no fud. A waraan, yaam ne ta war’ina a Asa’el fee o ndeɓ um.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

A kim a tedu ke 55:21

O ɓay no koohod kaa dalaa took no we ta reeritna jam, ta maasand ngiɓoor um.

A kim a tedu ke 36:3

Bakaad fee kaa muur a kid um, yaam ndik ta anddiloox tooñ um soo a sibin.

Ke bindeena no xe ne’eena YOB 11:15

yaaga, xan tagid of a let, kam of a xool qac, o saƭik koŋ too saɗarkiro dara.

YEGIL MBAAX NE YEESU ne Lik a bindtuuna 22:48

Maaga, Yeesu a layaan ee: «Yudaa, ndax mboon o ɓoxotitkaa o Ƥeenqe no kiin oxe?»

A kim a tedu ke 139:19

Wo Roog, ngela warnoori soxodu we! Nuun waawar we, ngoƭaamoo!

Hebre 11:4

O ngim o mat tax’u Abel a ɓoxot a Roog sadax faa moƴna fee Kayin. Roog a ɗeetaan nen o cofu yaam o ngim um, too Roog fa xoox um a jaɓa ci’it um. Abel a xona, ndaa o ngim um a taxa ta maad o layaa.

Mberaand 4:25

Aadama a dakooxa o yoon fo o teem, o tew oxe a rok o fud, a ñoot o ƥiy o ngoor, soo a ne’in Set, a lay ee: «Yaam Roog a ci’axam o ƥiy o lakas ta rondand a Abel fee Kayin a warna.»

A lim ale 35:20

Boo o kiin a diyna a riñ o kend um, yaam a fuuxanin mbaat ta deɓin tig, yaam a fogan bo ta xon

2 Caloori ke 21:4

Ye Yehoram a jangna maat ne faap um boo a saƭkandin, xa teɓ axe ten fop fo kelfa leng-leng kam Isra’el a warta a den laƥ.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.