Mberaand 4:7 - NQAARIIT NE ROOG

⁷ O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

Mberaand 4:7 Referans Kwoze

Saak 1:15

Paaxeer ke ta yuxmaa na ndimaa bakaad, bakaad a maakangaa, a rim fa nqon.

Hebre 11:4

O ngim o mat tax’u Abel a ɓoxot a Roog sadax faa moƴna fee Kayin. Roog a ɗeetaan nen o cofu yaam o ngim um, too Roog fa xoox um a jaɓa ci’it um. Abel a xona, ndaa o ngim um a taxa ta maad o layaa.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

A lim ale 32:23

Kaa koy, nu mbi’angee neene, xan nu mbakaad no Yaal oxe, too xan nu nga’in, fat nu andin a paax.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

Malaki 1:13

Kaa nu layaa sax ee: «Waafu! Keeke mat o torox oo!», soo nu ngarangaa sibdan. A soƥa fop koy, cegel kaañooru na taamaala mbaat kaa na laƴaa mbaat ciru doŋ nu ƥoxotiidaa. Keene mbug o ndef ke nu sadaxaxam! Jaɓkinum de! Keene o Yaal oxe Hupna fop a layu.

Xa peƭit axe 21:27

O Yaal oxe kaa sib sadax fee no soxodu we, moƴtaa sax, yaa da ƥoxottuuna a qalaat a paaxeer.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Malaki 1:8

Boo nu sadaxiidaxama njegel mbuulu, ndax keene faaxa? Kaam ee boo nu ƥoxotiidaxama njegel nqaru mbaat njiru, ndax keene a ƭat oo? Ƥoxotangyo a gofornoor nuun njegel nandu neene boo nga ndax xan a sawar na nuun boo a dalnaa a nuun? Keene o Yaal oxe Hupna fop a layu.

A pi ake 10:35

ndaa no qeet ke fop, oxe feluuna refu oxe saɗaruuna, too a fi’aa cofu.

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Xa peƭit axe 18:5

Farit oxe tooñna, gadin o cofu xe tooñ yaa fa hate, faaxee.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

Ke bindeena no xe ne’eena YOB 42:8

Ndiiki koy, mbaaƭyo qoox ɓetuu ƭik fo a suk paal ɓetuu ƭik, nu ndet maa Yob fee o tag es, ƥoxotan a qoox nuun sadax toxel. Xan o tag es Yob a xeɗan a nuun too xam jaɓ a qeƭ um boo xawkiim a nuun a qaw gaci, ke nu layaneeraxama cagu fop oo, ta guutatir fo ke o tag es Yob a fi’na.»

Mberaand 3:16

A geleerooxa, a lay o tew oxe yee: «Xam ɓaat o ƭomel gaaj of. Boo o ƥiy a sutooraa na wo, o ɗomel boo mat o xon, too yaqankee o ƴufanaa o kor of yaam a yuxum, too ten na kelfa’kang.»

1 Timote 5:4

A soƥangaa koy ee o ñaaw oxe kaa jeg xa ƥiy mbaat xa taan axaa ngeenooxuuna, wiin we no ƥasil neene a mbara o lalit ee kaa ndeefaa a Roog. A mbara o ngeenoox a paax we ngeenoox’ina a den yaaga mbaagoodee dara. Kaaga kaa felna a Roog tigi yoo.

2 Sami’el 24:23

Daali maad, ci’aaxoong keene fop.» Arawna a ɓaata o lay ee: «Yaasam o Yaal oxe Roog of a jaɓ sadax of!»

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

Mberaand 19:21

Maaga, a doonaan ee: «Yaaga boog, xam ci’ahinong keene, too taamaala fee pirkee teeru fee o ne’aa.

Ke bindeena no xe ne’eena YOB 29:4

Boo waag’uuma o dakoox na doole es, ye Roog a saytooxaa mbind es,

2 Maad we 8:28

Ahasiya a yoona fa Yoraam fee o ƥiy Ahab da ñoxorik fa Hasa’el fee o maad Araam na teeru faa Ramot kam Galaad. Kam a ñoq ale, Aa-araam we a ngaaña o maad Yoraam.

O leetar ole Pool a bindna GIMU WE NGENNA ROM 6:12

Yaaga boog, baa bakaad fee a maadooxat muk kam cer qooxon ke nuun, too ba nu ndeefat ke da yaawaa.

Ke bindeena no xe ne’eena YOB 11:14

goƭatir fo njofaƭar of, sut paaxeer no mbind of,

Ke bindeena no xe ne’eena YOB 11:15

yaaga, xan tagid of a let, kam of a xool qac, o saƭik koŋ too saɗarkiro dara.

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.