Mberaand 4:5 - NQAARIIT NE ROOG

⁵ Kaa koy, o Yaal oxe a xuuna a Kayin fa sadax um. Ye Kayin a ga’na keene, a dalfooxa o fuux, a tagid um a hiɓoox.

Mberaand 4:5 Referans Kwoze

Hebre 11:4

O ngim o mat tax’u Abel a ɓoxot a Roog sadax faa moƴna fee Kayin. Roog a ɗeetaan nen o cofu yaam o ngim um, too Roog fa xoox um a jaɓa ci’it um. Abel a xona, ndaa o ngim um a taxa ta maad o layaa.

Ke bindeena no xe ne’eena YOB 5:2

O ƥodaxu xe kaa saŋkooxaa yaam fuux um, o ƭof oxe a xonaa yaam o mat xeeñ um.

A pi ake 13:45

Ye Yaawuur we a nga’na faan le, a may’a fo ciis, a ndef no maaɓnaa a Pool, soo a mbenan.

A kim a tedu ke 20:3

Yaasam ta ƴufgitong no mbiñ o tedu nqe, a dimle’tong no kaa xotitna Siyoŋ!

Mace 20:15

Ndax kaa waagiim o fi na halal es ke buguuma? Ndi o paaxel ole mi kaa feƭarong?›

A lim ale 16:15

Moyiis a fuuxa tigi too a laya o Yaal oxe yee: «Ba o jaɓ sadax den. Mosiim o jang na den dara, refee o faam o leng sax, too mosiim o tooñ o leng na den.»

Mberaand 31:5

A laya a den ee: «Kaam ɗeetloox ee a tagid faap nuun letatee na mi nen eetaand. Kaa koy, Roog fee na faap es a reeƭa fa mi.

Mberaand 31:2

Yakoob a ga’a yee a tagid ale Laban nandatee nen eetaand kaa.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

1 Sami’el 16:7

Kaa koy, o Yaal oxe a laya a Sami’el ee: «Baa ne ta jagna soo a jeg a keen a yul a ngid of, yaam jilinum. Naagiim o ɗeetaa no ke wiin we a ƭeetaa. O kiin oxe, ke yulna a kid um rek a ɗeetaa, ndaa mi fee o Yaal oxe o mat, kam ee kam xeeñ um ɗeetaa.»

Xa peƭit axe 29:10

Wiin fo’oy we kaa sibaa o booru xe, a mbaaƭaa maa da njangitna o ñis no jofu we.

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

Mberaand 39:19

O yaal mbind oxe Yoseef a nana fa lay fee no tew oxe ten ee: «Keene o paɗ oxe wo a fi’u!» A dalfooxa o fuux boo a buɓaa.

Ke bindeena no xe ne’eena YOB 15:13

Me ta refna koy, Roog o mat fuuxano soo ratataa juumaa neeke.

Xa peƭit axe 19:3

O fanxoy no kiin kaa ɓekan no coono, soo ta fuuxan o Yaal oxe.

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.