Mberaand 4:26 - NQAARIIT NE ROOG

²⁶ Set itam a rima o ƥiy o ngoor, soo a ne’in Enos. No kaa xotitna maaga, gon le no Yaal oxe a reefu a ƴufginooreel.

Mberaand 4:26 Referans Kwoze

A kim a tedu ke 116:17

O Yaal oxe, xam ɓoxotong sadax fa ngidmir, lambnaa gon of.

1 Maad we 18:24

Cinj kaaga, ƈufginooxyo a roog nuun, mi um ƴufginoox o Yaal oxe. Roog fee na jaaɓkaa boo a lultiid fiɗel na refkaa fa ndigil fee.» Xeet faa fop a ndoonaan ee: «I njaɓa.»

Sofoni 3:9

«Maaga, xam xooland muuceek ke no qeet ke, ndax den fop, da ƈufginooraa gon es, mi o Yaal oxe, a yoonandoor, a ndagooxaam.

Mberaand 12:8

Cinj kaaga, a ɗisa ƭiif ke ten, ndax ta ret na xa coong axaa no batand naa Betel. A sipa ƭiif um ndeer Betel refna no mudand fa Ay refna no batand. A maxana o Yaal oxe maaga o sadaxand, soo a ƴufginoor gon le no Yaal oxe.

YEGIL MBAAX NE YEESU ne Lik a bindtuuna 3:38

Kenaan a ref o ƥiy Enos, Enos a ref o ƥiy Set, Set a ref o ƥiy Aadama, Aadama ref o ƥiy Roog.

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Mberaand 26:25

Isaak a maxa maaga o sadaxand, a ƴufginoor gon le no Yaal oxe, soo a sip maaga ƭiif um. Dag we ten a mbaqahina maaga a ngas.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

O leetar ole Pool a bindna GIMU WE NGENNA ROM 10:13

Yaam kaa layel na Pind a Tedu ke yee: «O kiin oxuu ƴufginoorna gon le no Yaal oxe, xan a muc.»

A pi ake 11:26

Yaa ta ga’uuna, a ɓisaan Ancook. Den ɗik fop a ndeeƭa maaga o hiid o muum, a njangnaa wiin mayu no mbokatax naaga no gimu we kaa farna no ngim onqe. Maaga Ancook, daalbe we a mbere o nqoyit kerceen.

A pi ake 2:21

A koom, oxuu ƴufginoorna gon le no Yaal oxe, xan a muc.›

Esayi 63:19

Ndiiki kaa i nand nen waa moseeroona o maadooxan, nen waa moseeroona o jeg no gon of. Koo qaaci asamaan fee soo fudooxiid, ndax xa coong axe a ngirdoox mbaambir of,

Esayi 48:1

«Nuun mbind Yakoob, nangilooxyo, nuun we na nqoyooxaa gon le Isra’el, soo mbaqaqoor na Yudaa. Kaa nu ndaaɓooraa gon le no Yaal oxe soo ne’aa a Roog fee Isra’el too refkee no ndigil fo no cofu.

Esayi 44:5

Oxene xan a lay ee: ‹O Yaal oxe jegaxam›, oxaana a xoyooxaa gon le Yakoob, o lakas oxaana a bind no ɓay um ee: ‹O Yaal oxe refanum›, soo a fakooraa gon le Isra’el.»