Mberaand 4:17 - NQAARIIT NE ROOG

¹⁷ Kayin a yoona fo o teem. O tew oxe a roka o fud, a ñoot o ƥiy o ngoor a ne’in Henok. Kayin a sinja teeru, soo a ne’tin a Henok fee o ƥeem.

Mberaand 4:17 Referans Kwoze

A kim a tedu ke 49:11

A xoola toox de yee yaal-o-and we kaa nqonaa, o ƭof oxe fa nawtul fee a saŋkooxaa, a nqaƴan lakas o jeg den.

Dañel 4:30

Ndak fo ndak, fa lay faaga a fadnooxa. Nebukadnesaar a raxte a ndeer no wiin we, a ñoowtataa daaƭ nen qoox ke, soo liim le a yenaa took um. Wiil um kaa jigid’atu boo nen a naf a canjiik, soo paambaañ um a njigdit nen paambaañ ndiiƭ.

2 Sami’el 18:18

Ye Absalom a ñoowaa a sipan’a a xoox um ɓil laa ta wetandoorteel, kam a yulanq ale no maad oxe, yaam kaa lay’u yee: «Jegiim o ƥiy o leng onqaa waageema o wetandooraa.» A ne’ta ɓil laaga a xoox um, too kaa maad o xoyeel boo xaye betandoor ke Absalom.

Mberaand 11:4

A layrahina yee: «Fat i max teeru, taax-took naa o jul ole a bugko duqaa asamaan fee. Maaga, xan i njeg gon, too i pasarooxkee took lanq ke fop.»

Mberaand 5:22

Cinj o rimel ole Metuseela, Henok a ñaaƴa fa Roog xa kiid teemeed tadik, a jeg’a xa ƥiy xa koor fo xa ƥiy xa tew.

Mberaand 5:18

Yered a jega xa kiid teemeed fo xa kiid qarɓeen ɓetuu fa leng fo xa kiid xa ƭaq, soo a rim a Henok.

Mberaand 4:16

Kayin a inoora mbaambir no Yaal oxe, soo a genik no lanq kaa Nood ngaritna no batand naa Edeen.

Mberaand 4:18

Henok rimu a Irad, Irad a rim a Mehuya’el, Mehuya’el a rim a Metusayel, Metusayel a rim a Lemek.

A kim a tedu ke 49:12

Ke da ne’itna lanq den a kon den fop oo, a mboy ale refu mbind den boo faw, ngenand den no suk boo no suk.