Mberaand 4:10 - NQAARIIT NE ROOG

¹⁰ Maaga, o Yaal oxe a laya yee: «Xar fi’o? O wuuq ole no fo’oy le no ndeɓ of a jaaƥatilooxiida boo me mi.

Mberaand 4:10 Referans Kwoze

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

Hebre 11:4

O ngim o mat tax’u Abel a ɓoxot a Roog sadax faa moƴna fee Kayin. Roog a ɗeetaan nen o cofu yaam o ngim um, too Roog fa xoox um a jaɓa ci’it um. Abel a xona, ndaa o ngim um a taxa ta maad o layaa.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

A kim a tedu ke 72:14

Xan a wat a den no ñaañagadil oxe fo no kiin balu-balu xe, yaam na kid um o ñoow den a jega o njiriiñ.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

A kim a tedu ke 9:12

Nqaananyo o Yaal oxe genna Siyoŋ, yegnit a ndeer qeet ke a pi katil um.

A lim ale 35:33

Nu mbaree o nqoolaƭarand saax le nu ngenkaa. Fo’oy fo ɓaxooxu kaa xoolaƭarandaa saax le, too boo o kiin a wareena, saax le waagaand o ɓogdit lakas a refangeerna fo’oy no baawar oxe.

Ke bindeena no xe ne’eena YOB 16:18

Wo lanq ke, ba o ɗasin fo’oy es, too baa dara feg xa buuq es.

Mberaand 9:5

Fat nu yeg fo and koy ee muumeen fuu warna o kiin, o ñis um a rabditkaa ole no kiin oxeene. O kiin oxuu warna o kiin o lakas itam, o ñis um a rabditkaa ole no kiin oxeene.

A kim a tedu ke 50:21

Keene o mat o fi’aa, soo o bug’u koy um maar o don es! Foogaa foog ee nen a wo nandum? Muk! Xam ɓanjong soo feednong a pi of fop.»

A sutax ale 3:7

O Yaal oxe a layahina yee: «Ga’aam ne xeet es a xijliteel no saax laa Misira, too nanaam xa buuq den, yaam ne da ñaatlandeel. Kaam ee andaam coono den.

Ke bindeena no xe ne’eena YOB 24:12

Xa iin axe no we na nqonaa owe njibaa kam teeru ke, we ngaañeena a ƈufginooxaa, soo Roog a nuunufaanoox o njakad onqeene.

2 Maad we 9:26

Kaa lay’u yee: ‹Ga’aam faak fo’oy le Naboot fo le na xa taan um ɓaxeena. Xam fi’ong leng kut ke no saawit olene sax. Mi o Yaal oxe layun.› » Yehu a ɓaata teen ee: «Ndiiki koy, ɗooqi o dal ole, o deɓin kam o saawit ole, ne o Yaal oxe a layit’uuna.»

Yosuwe 7:19

Yosuwe a laya a Akaan ee: «O ƥees, ɓoxoti o Yaal oxe Roog fee Isra’el o ndam, niwin too layaam ke fi’oona, fañaam o ɗas dara.»

Mberaand 18:20

O Yaal oxe a laya a Abraham ee: «Ƭomatax ne took Sodoom fa Gomoor a ɗoma tigi, too bakaad den a magna lool!

Mberaand 3:13

Maaga, o Yaal oxe Roog a laamta o tew oxe yee: «Xar taxu o fi keene?» O tew oxe a doonaan ee: «Fangool fee mat naxaxam bo um moɗ o rim ole no ndaxar ne.»

A pi ake 5:9

Piyeer a doonaan ee: «Xar taxu boog nu ngiɓ o ngir, ndax nu nax Yiif le no Yaal oxe? Ga’i, we ngasik’ina o kor of owaay na carind ale, too xan a ƥisong itam.»

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

A cangatin ale 21:1

«A soƥangaa yee kam saax le o Yaal oxe Roog nuun a ci’na a nuun nu njegkin, kaa o dal no kiin oxaa wareena a ga’el kam a koƥ ale, too o leng andee oxe waruuna,

1 Sami’el 13:11

Sami’el a laamtaan ee: «Ndi, xar fi’o?» Sawul a doonaan ee: «Kaam ga ee xiixire we kaa nqaƴoogaam, yaam ne gareeroona na waxtu fee lay’axamoona, too itam Fiifilista we kaa mbokatoor’u Mikmas.

2 Caloori ke 28:9

A jeg’a maaga o tuleer no Yaal oxe xaa ne’eena Oded. A sutooxa, a xetooxiid xiixire we ngatoogna Samari, a lay a den ee: «Nu anda yee Roog kaa fuuxan Yuuyudaa we, ten taxu o Yaal oxe Roog fee no daan nuun a ɓoxot a den na xa ƥay nuun soo nu ndek nduguñ a den neeke fo fuux laa retna boo na asamaan.

A kim a tedu ke 9:13

Kaa rabdinooxanaa we fo’oy den a ɓaxeena, a wetandooxaa a den too weeckee xa buuq no ñaatu we.