Mberaand 39:6 - NQAARIIT NE ROOG

⁶ Kaa xaƴ’u na xa ƥay Yoseef fop ke ta jeg’ina, too ten fa xoox um topatooxoogatee dara lakas a refangee ñaamel um. Yoseef koy o fes o mosu a reeƭu.

Mberaand 39:6 Referans Kwoze

Xa peƭit axe 31:11

O kor um kaa hoolooxan, too ñakkee dara no mbind um.

1 Sami’el 16:12

Isay a xoyniida a Dawid. Ten koy kaa yaxig’u, a mos a kid soo a xen caq. O Yaal oxe a laya a Sami’el ee: «Inooxi o ɗuumin, yaam oxeene o mat oo!»

Mberaand 29:17

Leya koy, fo ngid ne njaak’ee, Rakel o mat a mos boo nen liƥ.

YEGIL MBAAX NE YEESU ne Lik a bindtuuna 19:17

O yaal mbind um a layaan ee: ‹Jook a njal o tag o paax oxe. Gore’aa no tig neewu, ten taxu xam doxnong teeru xarɓaxay!›

A pi ake 7:20

Na jamaane faaga Moyiis a rime, a ref o ndeɓandoong o mosu, Roog a bugin bo. A ñoowa a qool a tadak no mbind faap um.

YEGIL MBAAX NE YEESU ne Lik a bindtuuna 16:10

Oxuu gore’na no ndik, xan a gore no tig maak itam, too oxuu jofeerna no ndik, jofkee no tig maak itam.

Mberaand 43:32

A roxane ten fa xoox um, fog faap um a ndoxanel, soo Miimisira we ñaamtoogna no mbind um itam a ndoxanel. Miimisira we mbaag’ee o ñaam fo Hebre we yaam keene kaa reeƭu na den nqoolaƭar.

Mberaand 39:23

O aa-adax oxe na kaso fee waaƭoogatee kaa Yoseef a fi’na fo kaa ta fi’eerna, yaam o Yaal oxe kaa reeƭu fo ten. O Yaal oxe kaa faaxnoogu fop ke Yoseef a fi’oogna.

Mberaand 39:8

Yoseef a faña, a doon o tew oxe no yaal mbind um ee: «Ga’i, o yaal mbind es andaniraam dara kam mbind ne, kaa jolna keene o jeg um fop ta doonin no ɓay es.

Mberaand 39:4

Neene, Yoseef a daaw’a yirmande no yaal mbind um fi’uuna ta jalanan, a dalnin no mbind um, a doxnin o jeg um fop.

1 Sami’el 17:42

Ye ta ga’na a Dawid, a xeef’aan lool, yaam ne Dawid a refna o njaaƈ, a yaxig, soo a mos bo.