Mberaand 39:22 - NQAARIIT NE ROOG

²² O aa-adax oxe na kaso fee a doxna a Yoseef lakas waa mbeg’eena fop, too ten topatooxoogatu fop.

Mberaand 39:22 Referans Kwoze

Mberaand 39:4

Neene, Yoseef a daaw’a yirmande no yaal mbind um fi’uuna ta jalanan, a dalnin no mbind um, a doxnin o jeg um fop.

A kim a tedu ke 37:11

Neewandooxu we xan a lam lanq ke, a njeg jam fa ndeyu sik.

A kim a tedu ke 37:3

Hoolooxi o Yaal oxe soo fi’aa paax, ndax o yoq no saax le, ñoowaa teen fo o yaadax.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

Mberaand 39:20

A dama a Yoseef, a wegin kam kaso faa andoona yee maaga we o maad oxe a wegin’ina a ndeeƭu.