Mberaand 39:14 - NQAARIIT NE ROOG

¹⁴ a reta a xoyik wiin we no mbind ne, a lay a den ee: «Nga’angyo, kaa ta ɓisiid a in o Hebre xene, ndax ta ŋasit a in. O koor oxe kaa gariid ndax ta gignaam soo um faɗoox.

Mberaand 39:14 Referans Kwoze

1 Piyeer 2:20

O njiriiñ onqum jegu boog no roxondoox a qaw a ƭomu le, yaa fi’oona bakaad? Kaa koy, a refangaa yee kaa nu ndoxondooxan yaa nu mbi’aa paax, yirmande a refu mbaambir Roog.

YEGIL MBAAX NE YEESU ne Lik a bindtuuna 23:2

Maaga, den fop a ndefa no njamban ee: «Kaa i soƥ o koor oxene a hoƥatrandaa xeet in, a yaqanaa wiin we da ndabid a Kesaar fee a bateer, kaa layooxaa yee ten refu Kiristaa fee, o maad oxe.»

Mace 26:59

Saasadax maak we fo Mal maak ne fop kaa mbaaƭanoogu a Yeesu a nox, ndax da mbarin.

Mace 5:11

Boo andoona yee nu mbene, ñagadilel too mberanel paaxeer kuu refna yaam mi, nu ƭaaya!

Esayi 54:17

Ƥonax nuu xawneena ndax ta gaañong faaxkee. Oxuu jamboonga no pind layoor ke, xan o damnoorin. Keene refu a las ale geekanuuma dag es. Keene refu o cofel ole den inoorna na mi, mi o Yaal oxe.»

Esayi 51:7

Nan-gilooxaamoo nuun we andna o cofel, nuun xeet fee njegna a cangin es na qeeñ nuun. Ba nu saɗar naqadil ke no wiin we, too ba nu send yaam a ben ake den.

Xa peƭit axe 10:18

Oxe na fofaa o njaaku kam o maamaaɓ oo, oxe na yaqaa ƭool no lakas a fanxoy.

A kim a tedu ke 120:3

O naanax oxe, xar o Yaal oxe a doonkang? Kaam ee a qaw alum a gadinkang?

A kim a tedu ke 55:3

Nan-gilooxaam too jaaɓaam. Kaam joqooyooxaa mene fo maana, iinaa soo jaaxiɗ

A kim a tedu ke 35:11

Seede maamaaɓ wey a inooxa, um laamteel no kaa andeeruuma dara.

Mberaand 40:15

yaam kaam ɓistiidel no saax laa no Hebre waa took o hup doole, too meeke refuuma sax fi’iim dara kaa jarna o wegel.»

Mberaand 39:17

Maaga, o tew oxe a layaan ee: «O paɗ o Hebre xe ɓisiidoona a in kaa gar’u ndax ta gignaam.

Mberaand 39:7

Ye keene fop a xewna, o tew oxe Potifaar a ɗeetooga a Yoseef boo a layin ee: «Gari wondoox fa mi.»

Mberaand 14:13

O leng oxaa ɓostooxna a gara, a yegnin a Abram o Hebre xe genoogna no kariñ kaa Mamre. Mamre o Aa-amori a reeƭu, a ref o pog Eskol fa Aneer we nqaariitoor’ina fa Abram.

Mberaand 10:21

Seem a jeg’a xa ƥiy itam, ten refu o taan no Ee-ebeer we. Seem feene refu o maag Yafet, a ref taaw Nowe.

2 Korint 6:8

Kaa i kañeel, soo ndoxondeel gaci. Wiin we kaa layanaa a in paax fo paaxeer, a ƭeetaa a in nen maamaaɓ, too yaaga fop oo, ndigil soom i layaa.

Heseki’el 22:5

We matna fo we ngoƭna xan a nqaadnooxang, wo fee xoolaƭarandooxna, too may fo a nootax.

Mberaand 39:13

Ye o tew oxe a ga’na yee kaa xaƴ’un fo ndoki ne, soo a ƴuf, a sutoox tafil,

Mberaand 39:15

Ye ta nanna um faɗoox, a ƴufa, a sutoox tafil, a xaƴaam meen fo ndoki ne ten.»