Mberaand 39:12 - NQAARIIT NE ROOG

¹² O tew oxe a gara, a dam a Yoseef no ndoki, a layin ee: «Gari wondoox fa mi!» Yoseef a xaƴaan fo ndoki naa, soo a ƴuf, a sutoox tafil.

Mberaand 39:12 Referans Kwoze

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

O baawaare xe 7:26

Ga’aam kaa moƴna o feƭar fa nqon: ta ref o tew oxaa mbug um a refna mbog fo mbaal, soo xa ƥay axe a ndef ceen. Oxe felna a Roog kaa daɗan, o paabakaad oxe mat, ta naagin nuus.

Xa peƭit axe 6:5

Sutooxi teen nen mbat ƥostoortu no ɓay no qaaxawlax, nen ndiiƭ ndaɗtu no ɓay no poofog.

Xa peƭit axe 5:8

Goƭi o tew o nandu neene, too sax ba o mat o don-maax mbind um,

1 Korint 15:33

Koo qoyni, ba o leng a nax a nuun! «Yoon faaxeer na yaqaa jiko.»

Mberaand 39:10

Ke o tew oxe a layoogna fa Yoseef ñaal nuu refna fop oo, a faña o wondoox fo ten.

Mberaand 39:8

Yoseef a faña, a doon o tew oxe no yaal mbind um ee: «Ga’i, o yaal mbind es andaniraam dara kam mbind ne, kaa jolna keene o jeg um fop ta doonin no ɓay es.

Xa peƭit axe 1:15

O ƥees, ba o yoon fa den! Ɗagooxi a ƭat den,

1 Sami’el 15:27

Ye Sami’el a geleerooxaa ndax ta ret, Sawul a kaflooxa o noflax ole no sabadoor ne ten boo ta xuuyoox.

Mberaand 39:11

Bes, Yoseef a roka kam mbind ne, ndax ta jal calel um, too o lakas reeƭee maaga no wiin we no mbind ne.

Mberaand 39:13

Ye o tew oxe a ga’na yee kaa xaƴ’un fo ndoki ne, soo a ƴuf, a sutoox tafil,

2 Sami’el 13:11

Ye Tamaar a jeƈnan, Amnon a damaan, a layin ee: «O cigeen es, gari wondoox fa mi.»