Mberaand 39:10 - NQAARIIT NE ROOG

¹⁰ Ke o tew oxe a layoogna fa Yoseef ñaal nuu refna fop oo, a faña o wondoox fo ten.

Mberaand 39:10 Referans Kwoze

Mberaand 39:8

Yoseef a faña, a doon o tew oxe no yaal mbind um ee: «Ga’i, o yaal mbind es andaniraam dara kam mbind ne, kaa jolna keene o jeg um fop ta doonin no ɓay es.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

1 Tesalonik 5:22

paaxeer kuu ndefna nu ngoƭan.

1 Korint 15:33

Koo qoyni, ba o leng a nax a nuun! «Yoon faaxeer na yaqaa jiko.»

1 Korint 6:18

Ƈufyo ceeq! A jega pakaad lakas kaa ndefeerna no cer, ndaa oxuu rokna no ceeq, cer um sax sax a tooñu.

Xa peƭit axe 23:27

A caga kaa ref gamb xooɗu, o tew o seeseeq a ref a ngas a ŋooɓu.

Xa peƭit axe 22:14

O don no tew o seeseeq oxe kaa ref gamb xooɗu, oxe o Yaal oxe a fuuxanna xan a yen teen.

Xa peƭit axe 7:5

Neene, xan o xox pog ke no tew o seeseeq oxe, na jeemang o naxit xa ƭelem xa ƥuuɓu.

Xa peƭit axe 5:8

Goƭi o tew o nandu neene, too sax ba o mat o don-maax mbind um,

Xa peƭit axe 5:3

Muuceek ke no tew o seeseeq oxe kaa toqaa suum, o fel-o-ɗek um a moƴ o ɓuuɓ diwliin.

Xa peƭit axe 2:16

O jeg-yiif ole xan a tax o xox pog ke no tew o seeseeq oxe, na jeemang o naxit xa ƭelem xa ƥuuɓu,

Xa peƭit axe 1:15

O ƥees, ba o yoon fa den! Ɗagooxi a ƭat den,

Xa peƭit axe 9:16

«Fat oxe raƥna yiif a ɗapiid mene!» A layaa oxe ñakna xoox ee:

Xa peƭit axe 9:14

Kaa moofaa na carind mbind um took duɗand, mbaat no fo mbiñ fo ngoƭu took ne na teeru fee,

Xa peƭit axe 7:13

A dama o fes olaa, a foonin, a ɗeetin kam a kid soo a layin ee:

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

Mberaand 39:11

Bes, Yoseef a roka kam mbind ne, ndax ta jal calel um, too o lakas reeƭee maaga no wiin we no mbind ne.

Xa peƭit axe 23:28

Kaa ɓengaa nen o ƭeg, soo a ɓekaa goor jaaku no ndamooxaƭar.